Kimya Testləri – Online Sınaqlar və İmtahanlar

Növbəti bloqumuzda biz – oxuyan.az komandası olaraq sizlərlə kimya fənni, onlayn kimya testləri, kimya fənninin önəmi barəsində bir çox məlumatları bölüşəcəyik. Məlumat üçün bildirmək istəyirik ki, kimya fənni məktəblərdə 7-ci sinifdən etibarən şagirdlərə tədris edilir. Texniki elmlərdən (riyaziyyat, fizika, kimya, biologiya və informatika) biri olan kimya fənnini mükəmməl şəkildə mənimsəmək gələcəkdə şagirdlərə ixtisas qrupunu müəyyənləşdirən zaman böyük ölçüdə yardımcı olacaqdır.

DIM Blok imtahan sinaq - oxuyan online sinaq
DIM Blok imtahan sinaq – oxuyan online sinaq

Kimya nədir və nəyi öyrənir?

 Kimya – maddənin tərkibini, quruluşunu, xassələrini, çevrilməsini və bu çevrilmələr zamanı baş verən hadisələri öyrənən təbiət elmidir.Dünyada mövcud olan cansız və canlı varlıqlar ayrı-ayrı maddələrdən və ya onların qarışıqlarından ibarətdir. Məsələn, hər birimizin bildiyi oksigen, su, xörək duzu və şəkər ayrı-ayrı maddələrdir. Ətrafımızda olan və hər gün gördüyümüz digər elementlər – daş, torpaq, hava, ağac və başqaları isə maddələrin qarışığından ibarətdir. Bildirmək istərdim ki, təbiətdəki maddələr dəyişməz qalmır, onlar davamlı olaraq bir-birinə çevrilir. Məsələn, yaşıl bitkilər böyümə prosesində havadan karbon qazını (CO2) , torpaqdan isə suyu və mineral maddələri mənimsəyərək onlardan özlərinə lazım olan üzvi maddələri hazırlayır və əvəzində isə, havanı oksigenlə zənginləşdirirlər.

Yuxarıda qeyd etmişdik ki, kimya fənni 7-ci sinifdən etibarən tədris edilir, amma kimyanın özü ilə tanışlıq hələ bizim dünyaya göz açıb onu dərk etdiyimiz andan başlayır.

Kimya bir elm olaraq isə 3 böyük hissəyə ayrılır:

  • Ümumi kimya — kimyanın əsas qanun və qanunauyğunluqlarını öyrənir.
  • Qeyri-üzvi kimya —qeyri-üzvi maddələrin tərkibi, quruluşu, alınması üsullarını, onların fiziki və kimyəvi xassələrini, tətbiqini öyrənir.
  • Üzvi kimya — üzvi maddələrin tərkibi, quruluşu, alınması üsullarını, fiziki və kimyəvi xassələrini, tətbiqini öyrənir.

Kimya fənnindəki keçirilən mövzuları necə rahatlıqla öyrənmək olar?

Humanitar fənlərlə müqayisədə texniki fənnləri, o cümlədən kimya fənnini də öyrənmək üçün əsas şərtlərdən biri mövzuları əzbərləmək əvəzinə onları başa düşməkdir.Mövzuların çoxluğunu nəzərə alaraq çox yaxşı olardı ki, şagirdlər keçirilən mövzulara dair qısa qeydlər hazırlasın. Bundan əlavə, keçirilən hər mövzuya aid kimya fənnindən çoxlu onlayn sınaq testləri işləmək şagirdlərin bilik və bacarıqlarının möhkəmlənməsində müstəsna rol oynayacaqdır. Onlayn şəkildə kimya testləri həll etmək istəyənlər oxuyan.az platformasına asanlıqla daxil olaraq müxtəlif mövzularda sınaq testləri işləyə bilərlər.

Kimya fənni 1-ci və 4-cü ixtisas qrupunda

Bildiyimiz kimi, kimya fənni əsas fənn kimi 1-ci və 4-cü ixtisas qrupunun blok imtahanlarında abituriyentlərə təqdim edilir. Kimya fənnindən soruşulan suallara düzgün şəkildə cavab vermək üçün həm nəzəri hissələri, həm də ki, riyazi hesablama tələb edilən hissələri çox  əla səviyyədə öyrənmək vacibdir. Oxuyan.az platformasında sizlər istənilən zaman özünüzü sınaya və hansı mövzularda boşluqlarınızın olmasını asanlıqla müəyyənləşdirə bilərsiniz. Oxuyan.az platformasında yerləşdirilən mövzu sınaq testlərindən  bir neçəsini sizlərə təqdim edək:

Bundan əlavə bildirmək istərdik ki, 1-ci qrup testləri4-cü qrup testləri üzrə suallarının çətinlik səviyyəsi müxtəlifdir. Bu səbəbdəb dolayı balların hesablanması əmsalı 4-cü qrupda 1.5 əmsal indeksi ilə , 1-ci qrupda isə 1.0 əmsalı ilə hesablanır. Imtahanların çətinlik səviyyəsindən asılı olmayaraq strukturlu şəkildə hazırlaşan və çoxlu sayda sınaq testləri həll edən abituriyentlər hər zaman yüksək nəticə əldə edir. Unutmayın ki, uğur qazanmağın mərkəzində məhz intizamlı və səmərəli şəkildə çalışmaq dayanır.

Bu hissədə sizlərlə istənilən onlayn sınaq və ya qəbul imtahanlarında uğur əldə etməyin qızıl qaydaları haqda söz açacayıq.

Çoxlu kimya testləri və sınaq imtahanlarında iştirak edin.

online kimya testleri, onlayn kimya testleri imtahanlari, kimya sinaqlari
Online Kimya testləri Oxuyan.az saytında

Çoxlu sınaq testlərində iştirak edin və əmin olun ki, sınaq testlərində yol verdiyiniz səhvlərinizin hər biri həqiqətən  sizə aydındır. Tədqiqatlar göstərir ki, bu, şagirdlərin vaxtlarını daha səmərəli keçirmələrini təmin edir və onların kimya fənnindən imtahanlarda qarşılaşa biləcəyi  istənilən sual tipində daha rahat müvəffəqiyyət qazanmağını təmin edir. Sınaq imtahanlarında yol verdiyiniz səhvləri bir müddət sonra yenidən həll etməyə çalışın. Əgər eyni səhvlər davamlı olaraq təkrarlanırsa, bu sizin hələ də məhz həmin mövzularda boşluqlarınızın olduğunu göstərir.

Davamlı şəkildə mövzu sınaq testləri həll etdiyinizdən əmin olun. Oxuyan.az platformasında sizlər istənilən mövzuda, xüsusilə də, DİM-in imtahan bazasına daxil edilmiş mövzular ətrafında  onlayn  sınaq testləri işləyə bilərsiniz.

Kimya testlərini həll edərkən ən əsası tələsməməyə çalışın.

Tələskənlik bir çox hallarda sınaq testlərini yanlış cavablandırmağımıza gətirib çıxarır. Bu isə öz növbəsində uğursuz nəticə əldə etməyimizə səbəb olur. Kimya testlərində yaranmış ən geniş səhvlərdən biri hesablamalar zamanı ya mexaniki səhvlər etmək, ya da ki, sualı sürətli şəkildə oxuduğumuza görə əslində çox sadə məzmunu olan sualları düzgün təhlil edə bilməməyimizdir.

Kimya fənnindən sınaq testlərini həll edərkən vaxtınızı düzgün şəkildə ayırın.

Kimya sınaq imtahanlarını digər imtahanlardan fərqləndirən əsas cəhətlərdən biri həm nəzəri, həm də riyazi hesablamalar tələb edən sualların olmasıdır. Bu baxımdan kimya onlayn testləri həll edərkən hər sual üçün minimum vaxt ayırmağa çalışın. Unutmayın ki, sınaq imtahanlarında bizlər həmişə zamana qarşı yarışırıq. İlk öncə həllindən əmin olduğunuz sualları həll etməyə başlayın. Bu cür yanaşma həm sizlərin daha yaxşı əhval-ruhiyyədə olmanızı təmin edəcək, həm də ki, vaxtınıza qənaət etməyinizə kömək edəcək. Nəzərə almaq lazımdır ki, imtahan vaxtı limitlidir və imtahanlar zamanı vaxtı idarə etmək ən vacib məsələlərdən biridir.

Məhz Oxuyan.az platformasının sizlərə təqdim etdiyi kimya onlayn sınaq testləri işləyərək sizlər vaxtın idarə edilməsi ilə bağlı olan catışmazlıqlarını rahatlıqla aradan qaldıra bilərsiniz. Bu da öz növbəsində kimya fənnindən verəcəyiniz imtahanlara yaxşı hazırlaşmağınıza və vaxtınızı  düzgün istifadə etməyinizə birbaşa təsir edəcəkdir.

DIM Blok imtahan sinaq - oxuyan online sinaq
DIM Blok imtahan sinaq – oxuyan online sinaq

 3,657 total views

Default image
Əmiraslan Baxşılı
Articles: 34