Qəbul  İmtahanı – 4-cü İxtisas Qrupu Üzrə (2023)

4-cü qrup digər qruplardan, giriş ballarının yüksək olması ilə fərqlənir. Əsasən riyazi və məntiqi bilik tələb edən bu qrupun ixtisasları da bir o qədər məsuliyyətli və prestijlidir. Bu qrupun elə bir xüsusiyyətidə varki, burada digər qruplardan fərqli olaraq bir fənn ikinci dəfə təkrarlanmır. İmtahanın birinci mərhələsində (buraxılış) ilk 3 fənnən, Azərbaycan dili, RiyaziyyatXarici dildən imtahan verilir.Bu fənnlərin maksimal balı 100 üzərindən hesablanır, sonda üç nəticə də toplanılır və birinci mərhələnin nəticəsi müəyyənləşdirilir. İmtahanın ikinci mərhələsində (blok) yenidən 3 fəndən imtahan verilir və bu fənnlər Fizika, KimyaBiologiyadır. Bu mərhələdə fizika və kimya 100, biologiya isə 200 bal üzərindən hesablanılır. Biologiya bu ixtisas qrupunda ən önəmli fəndir və bu da qrupdaki ixtisaslara yansımışdır. Sonda bu mərhələdə ki ballar da hesablanır, birinci mərhələ ilə cəmlənir və ümumi nəticə əldə olunur.

DIM Blok imtahan sinaq - oxuyan online sinaq
DIM Blok imtahan sinaq – oxuyan online sinaq

4-cü Qrupda İxtisaslar

Bu qrupun ixtisasları prestijli olması və özünəməxsusluğu ilə seçilir. Psixologiya, tibb, ekologiya, biologiya və kimya kimi əhatəli əhatəli ixtisasların olduğu bu qrupda iştirak edən abituriyentlər bu ixtisasların prestijindən və məsuliyyətindən xəbərdar olmalıdırlar.

Psixologiya – beyində obyektiv aləmin subyektiv surəti kimi əmələ gələn psixikanın faktları, qanunauyğunluqları və mexanizmləri haqqında elmdir. Daha aydın şəkildə ifadə etsək, psixologiya, şüur altındaki problemlərin üzə çıxarılması və həll olunması elmidir. Psixoloq və psixiatrın fərqli sahələr olduğunu bilərək, ona uyğun seçim etməlisiniz. Psixoloqlar 4 illik bakalavr, arzu olunarsa magistr dərəcəsi, psixiatrlar isə 6 illik tibb bakalavr dərəcəsi və rezidentura təhsili alırlar.

Biologiya – canlılar və onların ətraf mühitlə qarşılıqlı əlaqəsi haqqında elmdir. Canlılar və həyat proseslərinin öyrənilməsində bütün fiziki aspektlər ilə məşğul olurlar. Digər sahələrdən, məsələn, fizika, kimya və tibbin müasir prinsipləri biokimya, biotibb və biofizika biologiya ilə birləşdirilmişdir. Siz bu ixtisasda insan, heyvan və bitki nümunələrinin yeniləşdirilməsi və təsnifatını, fiziki və kimyəvi formalarını, əmələ gəlmə yollarının inkişafını laboratoriya təcrübəsi vasitəsilə öyrənəcəksiniz.

Kimya – maddələr və materiallar üzərində çalışır, onların xassələrini və xüsusiyyətlərini öyrənir. Kimya reaksiyaların gedişini öyrənən bir tədqiqat elmidir. Yeni maddələrin alınmasını və a.kar olunmuş digər maddələrin fiziki və kimyəvi keyfiyyətlərini araşdıran bir sahədir. Bu ixtisasda çalışan insanlar laboratoriyalarda yeni kimyəvi analiz və araşdırmaların aparılması üzrə çalışırlar. Müxtəlif tədqiqat metodlarından faydalanaraq maddə tərkibinin öyrənilməsi və analizini təmin edirlər.

Stomatologiya – Bu ixtisas üz, çənə, diş və ağız boşluğu ilə bağlı problemlərlə və estetik işlərlə məşğul olur. stomatologiya sahəsi sadaladığımız organların və təşkil olunduqları toxumaların fiziolojiyası, anatomiyası və müalicəsi ilə də məşğuldur. Dişlərdə və çənədə anadan gəlmə və ya müəyyən səbəblərdən yaranmış patoloji problemlərin və əyriliklərin düzəldilməsi və estetikası ilə də marağlanır.

4-cü İxtisas Qrupunun Universitetləri

  4-cü ixtisas qrupunda da digər qruplar kimi prestijlli universitetlər mövcuddur. 4-cu qrup digər qruplardan fərqli olaraq tibb universiteti ilə də fərqlənir. Ölkənin ilk universitetlərindən olan bu ali təhsil ocağı səhiyyə kadrları hazırlayan ən böyük, aparıcı elm və tibb ocağıdır. Yarım əsrdən artıq fəaliyyət göstərən Azərbaycan Tibb Universiteti hazırda zəngin maddi-texniki bazası, tədris korpusları, tələbə yataqxanaları, klinika və laboratoriyaları ilə Azərbaycanın ən böyük tibb müəssisəsidir.

Universitetlər;

  1. Bakı Dövlət Universiteti
  2. Azərbaycan Tibb Universiteti
  3. Azərbaycan Dövlət Pedaqoji Universiteti
  4. Azərbaycan Dövlət İqtisad Universiteti
  5. Bakı Slavyan Universiteti
  6. Azərbaycan Dövlət Bədən Tərbiyəsi və İdman Akademiyası
  7. Naxçıvan Dövlət Universiteti
  8. Azərbaycan Dövlət Aqrar Universiteti
  9. Gəncə Dövlət Universiteti
  10. Lənkəran Dövlət Universiteti
  11. Mingəçevir Dövlət Universiteti
  12. Sumqayıt Dövlət Universiteti
  13. Azərbaycan Kooperasiya Universiteti
  14. Xəzər Universiteti
  15. Bakı Qızlar Universiteti
  16. “Odlar Yurdu ” Universiteti

 4-cü Qruplara Kiçik Məsləhətlər

Qəbul imtahanına hazırlıq dövrü abituriyentlər üçün bir qədər çətin və qarışıq bir proses olur. Bu prosesi idarə etmək üçün bir neçə önəmli faktor var. Bunlardan biri yuxu rejimidir. Hazırlıq dövründə yetərincə enerjinizin olmaması sizin işlərinizi vaxtında və qaydasında görməyinizə mane olacaq. Bir abituriyent olaraq gün ərzində 8-9 saatlıq yuxu sizə tam yararlıdır. Digər bir faktor disiplindir. Disiplin sizin öz üzərinizdə zamanla formalaşdırdığınız bir prosesdir. Bunun üçün nə istədiyinizi yaxşı bilməlisiniz. Ümumiyyətlə qəbul imtahanına hazırlaşdığınız dövrdə siz oxuduğunuz ixtisasın tam fərdi istəyinizlə seçildiyindən əmin olmalı, bu ixtisasın tələblərini, prinsiplərini bilməli və bu ixtisası hərtərəfli mənimsəməlisiniz. Disiplin sizə işlərinizi vaxtında və qaydasında görməyinizə kömək edəcək. Disiplinsiz başlanılan bir iş, işlərin vaxtında və ya qaydasında görülməməsi səbəbində iflasa uğrayacaqdır. Disiplininizi qorumaq üçün sizə lazım olan digər bir faktor motivasiyadır. Motivasiya sizin istəyləriniz, gələcək xəyallarınız, kim olmaq istəməyiniz, karyeranız, ətrafınız və ailənizdir. Bir universitetə qəbul olmağın sizin həyatınıza nələr qatacağını təsəvvür edin. Seçdiyiniz ixtisasın sizi gələcəkdə hansı mövqelərə daşıya biləcəyini bir xəyal edin. Motivasiyanız yerində deyilsə bir işi məcburən etmək çox çətindir.

Abituriyentlərin qəbul imtahanına hazırlaşarkən edə biləcəkləri ən səmərəli şeylərdən biri sınaqlarda iştirak edərək öz potensiallarını öyrənməkdir. Bu sizə həm imtahan təcrübəsi qazandırır, həm də nəticənizi inkişaf etdirməyinizə dəstək olur. Belə sınaqlarda iştirak edərək özünüzü sınamaq istəyirsinizsə Oxuyan.az saytımızdan yararlana bilərsiniz.

DIM Blok imtahan sinaq - oxuyan online sinaq
DIM Blok imtahan sinaq – oxuyan online sinaq

 5,399 total views

Default image
Reshid Mirzoyev
Articles: 11