Qəbul İmtahanı – 2-ci İxtisas Qrupu 2023

Qəbul imtahanı hər il Dövlət İmtahan Mərkəzi tərəfindən keçirilən, abituriyentlərin Ali təhsil müəssisələrinə qəbul olmaq üçün biliklərini sınadığı bir imtahandır. Abituriyentlər Ali təhsil müəssisəsinə qəbul olmaq üçün verilən bu sınaqların ikinci mərhələsində (blok) yığdığı ballarla digər abituriyentlərlə rəqabət aparır, müvafiq ballarına uyğun Ali təhsil müəssisələrinə qəbul olurlar.

2-ci qrupda abituriyentlər 5 fəndən imtahan verir. İmtahanın birinci mərhələsində(buraxılış) Azərbaycan dili, riyaziyyat və xarici dildən imtahan verilir. Hər bir fənnin maksimal balı 100-dür. Ən sonda bu üç fənnində balı toplanılır və birinci mərhələnin nəticəsi məlum olur. İmtahanın ikinci mərhələsində (blok) yenidən 3 fəndən imtahan verilir. Bu dəfə yenidən riyaziyyat, tarix və coğrafiyadan imtahan verilir. Bu mərhələdə riyaziyyat və coğrafiyanın maksimal balı 150-i, tarixin isə 100-dür.

2-ci qrupun qəbul imtahanında aparıcı fənnlər coğrafiya və riyaziyyatdır.İmtahanda hər üç fənnin sual tiplərinə göz gəzdirək. Hər bir fəndə sual tipləri oxşardır. 22 qapalı tipli sual, 5 açıq tipli sual və 3 həlli yazılı tələb olunan situasiya tipli sual vardır.

DIM Blok imtahan sinaq - oxuyan online sinaq
DIM Blok imtahan sinaq – oxuyan online sinaq

2-ci Qrupda İxtisaslar

İkinci qrupla digər qrupları qarşılaşdırdıqda görürük ki, bu qrupda abituriyent sayı nisbətən azdır. Ama onuda vurğulamaq lazımdır ki çox marağlı, özünə məxsus və gələcəkdə geniş karyera imkanları verən ixtisaslar da mövcuddur. Gəlin bu ixtisasların bəzilərinə göz gəzdirək.

Biznesin idarə edilməsi

Sahibkarlıq fəaliyyəti ticarət – istehsal – ticarət sxeminə uyğun olaraq malların son istehlakçıya çatdırılması ilə əlaqədar həyata keçirilən fəaliyyətdir. İxtisaslaşmanın məqsədi tələbələrə sahibkarlıq fəaliyyətinin səmərəli təşkili və idarə edilməsinin əsas prinsipləri və metodları haqqında biliklər verməkdir. Bu ixtisasın əhatə dairəsi çox genişdir.

İqtisadiyyat

İqtisadiyyatın bütün sahələrini əhatə edən peşəkar mütəxəssislər hazırlayan ixtisasdır. Bu ixtisasın məzunları dövlət strukturlarında, dövlət qurumlarında və şirkətlərində, xarici investisiyalı müəssisələrdə, kiçik, orta və iri təsərrüfat subyektlərində, xarici iqtisadi fəaliyyətlə məşğul olan şirkətlərdə və digər biznes strukturlarının müvafiq sahələrində çalışa bilərlər.

Marketinq

İqtisadiyyat, psixologiya və sosial elmlərlə maraqlananlar üçün uyğun ixtisasdır. İnsan amilinin böyük rol oynadığı digər sahələr kimi, marketinq sahəsində də həm indi, həm də gələcək çox parlaqdır. Gələcəyin dünyasında, insan artımının bu həddə çatdığı bir dövrdə marketinqin nə qədər böyük bir sahə olacağı indidən göz önündədir.

Mühasibat uçotu

İxtisaslaşmanın əsas məqsədi tələbələrə şirkətlərdə maliyyə menecmenti işinin təhlili, mənfəətin planlaşdırılması və nəzarəti, pul vəsaitlərinin idarə edilməsi, əsas maliyyə cədvəlləri, ikitərəfli uçot, aktiv öhdəliyi, kapital və qeydiyyat haqqında bilik və bacarıqların aşılanmasıdır. Hazırda ixtisasa böyük tələbat olsa da, gələcəkdə texnologiyanın insanları asanlıqla əvəz edə biləcəyi sahələrdən biri hesab olunur.

Maliyyə

Maliyyə ixtisası şirkətlər üçün mövcud olan maliyyə resurslarını necə idarə etməyi öyrədir. Maliyyə ixtisası maliyyə resurslarının idarə olunması deməkdir. Riyaziyyatı sevənlər üçün uyğundur. Pulun dövriyyəsi, birja kimi işlərlə əlaqəlidir.

Coğrafiya tədrisi

İxtisas istehsalında sintez və qiymətləndirmə layihələri işləyib hazırlayaraq yeni ideyaların yaradılması, yeni ideya və ideyaların yaradılması, onların təqdimatının inkişaf etdirilməsi. Orta ümumtəhsil məktəblərində, özəl kurslarda, ekologiya və turizm sahəsində işləmək olar.

İdarəetmə

İdarəetmə ixtisası müəssisənin idarə edilməsini və onun effektiv idarə edilməsini öyrənir. Rəhbərliyin əsas rolu müəssisənin fəaliyyətini və səmərəliliyini təşkil etməkdir.

Turizm

Bu sahə ikinci qrupun  ən prestijli ixtisaslarından biridir. Gələcəyin parlağ sektorlarından olan turizm dünyanın ən böyük 3 cü sektorudur. Artan əhali, yüksələn rəfah səbəbilə gələcək dünyamızda turizmin həm Azərbaycanda həm də dünyada günümüzdəkindən qatbəqat çox inkişaf edəcəyi gözlənilir.

2-ci qrupun gələcəkdə güclü iş imkanları vəd edən universitetləri vardır. Gəlin bu Ali təhsil müəssisələrinə göz gəzdirək.

Bakı Dövlət Universiteti

Azərbaycan Turizm və Menecment Universiteti

Azərbaycan Dövlət Neft və Sənaye Universiteti

Azərbaycan Texniki Universiteti

Azərbaycan Memarlıq və İnşaat Universiteti

Azərbaycan Dövlət Pedaqoji Universiteti

Azərbaycan Respublikası Prezidenti yanında Dövlət İdarəçilik Akademiyası

“ADA ” Universiteti

Azərbaycan Dövlət Mədəniyyət və İncəsənət Universiteti

Azərbaycan Dövlət İqtisad Universiteti

Azərbaycan Dövlət Bədən Tərbiyəsi və İdman Akademiyası

Milli Aviasiya Akademiyası

Bakı Ali Neft Məktəbi

Azərbaycan Respublikası Dövlət Gömrük Komitəsinin Akademiyası

Lənkəran Dövlət Universiteti

Azərbaycan Kooperasiya Universiteti

Naxçıvan Dövlət Universiteti

Gəncə Dövlət Universiteti

Sumqayıt Dövlət Universiteti

Mingəçevir Dövlət Universiteti  

Xəzər Universiteti

Qərbi Kaspi Universiteti

“Odlar Yurdu ” Universiteti

Bakı Biznes Universiteti

2-ci Qruplara Məsləhətlər

Ikinci qrupun fənnləri əsasən humanitar fənnlərdən ibarətdir. Əgər humanitar biliyinizə, dünya görüşünüzə güvənirsinizsə bu qrup tam sizə uyğunddur. Istədiyiniz bir ixtisasa nail olmağın bəzi prinsipləri vardır. Bildiyimiz kimi imtahana hazırlıq dövrü abituriyentlər üçün çox yorucu keçir. Bununla başa çıxa bilmək üçün yuxu rejiminizi qorumalısınız. Gündə 8-9 saatlıq yuxu bir abituriyentin istəyinə nail olması üçün çox vacibdir. Yuxu rejimi qədər sizə lazım olan şey disiplindir. Disiplin sizin öz üzərinizdə formalaşdırdığınız bir prosesdir. Disiplinsiz çalışmaq sizin qarşınıza qoyduğunuz məqsədə çatmağınızda problemlər yarada bilər. Düzgün vaxt bölgüsünə riayət etməsəniz, işləri görülməli olduğu vaxtda görməsəniz proseslərinizdə problemlərlə qarşılaşa bilərsiniz. Disiplinanızı qorumaq üçün sizə lazim olan  bir faktor motivasiyadır. Bu qarışıq və bir qədər çətin imtahan dövründə uğruna çalışdığınız ixtisasın gələcəkdə sizi hansı mövqelərə daşıya biləcəyini bir xəyal edin. Çəkdiyiniz zəhmətlərin bəhrəsini görmək, istədiyiniz Ali təhsil müəssisəsinə qəbul olmaq sizin üçün ən böyük motivasiyadır. Tələbəlik illərinin sizin həyatınıza qatacağı xatirələri unutmayacağınızı ümid edirəm. Sizə bu prosesdə təcrübənizi artırmaq üçün çoxlu sınaqlarda iştirak edərək özünüzü sınamağınızı məsləhət görərdim. Belə sınaqlarda öz potensialınızı öyrənmək istəyirsinizsə Oxuyan.az saytında ödənişsiz sınaqlarımızdan yararlana bilərsiniz.

DIM Blok imtahan sinaq - oxuyan online sinaq
DIM Blok imtahan sinaq – oxuyan online sinaq

 4,816 total views

Default image
Reshid Mirzoyev
Articles: 11