Qəbul İmtahanı – 1-ci Qrup Üzrə 2023

1-ci qrup qəbul imtahanı DİM vasitəsilə verilir. Azərbaycan Respublikasının Dövlət İmtahan Mərkəzi Azərbaycan Respublikası Prezidentinin 11 aprel 2016-cı il tarixli Fərmanı ilə yaradılmışdır. Dövlət İmtahan Mərkəzi publik hüquqi şəxsdir, dövlət orqanları, hüquqi və fiziki şəxslər üçün imtahanların keçirilməsini təşkil edir. müqavilə əsasında dövlət qulluğuna kadrların seçilməsi, təşkilati-hüquqi və mülkiyyət formasından asılı olmayaraq ali və orta ixtisas təhsili müəssisələrinə tələbə qəbulunun aparılması məqsədi ilə yaradılmışdır.

Qəbul imtahanı iki mərhələdən ibarət olur. Birinci mərhələdə(buraxılış) ilk 3 fəndən, Azərbaycan dili, riyaziyyat və xarici dildən imtahan verilir. Bu fənlərin hər birinin maksimal nalı 100-dür. Sonda 3 fənnində balları toplanılır. İmtahanın ikinci mərhələsində(blok) yenidən 3 fəndən imtahan verilir. Bu fənnlər riyaziyyat, fizika və kimyadır. Burada riyaziyyat və fizikanın maksimal balı 150, kimyanın isə 100-dür.Sonda ikinci mərhələ ilə birinci mərhələnin nəticələri toplanılır və ümumi nəticə əldə edilir. Bu qrupun aparıcı fənləri riyaziyyat və fizikadır çünki bu qrupun ixtisasları güclü riyazi bilik tələb edir.

İmtahanın iki mərhələsində də iştirakçılara 3 saat vaxt verilir. Açıq, qapalı və situasiya tipli sualların olduğu qəbul imtahanında siz bu vaxtı çox diqqətli bir şəkildə istifadə etməlisiz. Qəbul mərhələsinin hər fənnində 30 sual verilir. Onlardan 22 ədədi qapalı, 5-i açıq, digər 3 sualda həllinin yazılması tələb olunan situasiya tipli suallardır.

İxtisaslar və Universitetlər

1-ci qrup tamamilə texniki yönümlü qrupdur. Əsas fənlər fizika, kimya və riyaziyyatdır. Əgər konkret fənlər və ya texnologiya ilə maraqlanırsınızsa, 1-ci qrupa müraciət edə bilərsiniz. 1-ci qrup üzrə ixtisasların keçid balı digər ixtisaslarla müqayisədə yüksək və çətin deyil. Bu qrupda bir çox prestijli ixtisas mövcuddur. Sizinlə birlikdə bunları dəyərləndirəciyik.ilk öncə onu vurğulamaq lazımdırki 1-ci qrupa yeni ixtisaslar əlavə olunmuşdur. Bunlara misal olaraq Aerokosmik Mühəndislik, Aviasiya təhlükəsizliyi mühəndisliyi, Geometika və geodeziya mühəndisliyi kimi ixtisasları göstərmək olar. İndi isə gəlin ixtisaslarla tanış olaq.

informasiya texnologiyaları

Bu, həm bu gün, həm də gələcəkdə ən tələbkar ixtisasdır. Məzun olduqdan sonra həm proqramlaşdırma, həm də “Məlumat analitikası”, “Süni intellekt (AI)”, oyunların yaradılması və s. bu tip sahələrə yönəldilə bilər.

Memarlıq

Həmişə tələb olunan bu ixtisas sizə həm interyer, həm də eksteryer dizaynında peşəkar olmaq şansı verir. Gələcəyin modern dünyasında bu ixtisasa olan tələb olduqca genişdir. Memarlığa olan qabiliyyətinizdən və marağınızdan asılı olaraq, ixtisas sizin üçündür.

Neft-Qaz mühəndisliyi

1-ci qrupun nüfuzlu ixtisasları sırasında olan bu ixtisas müxtəlif sahələrə bölünür. İxtisaslaşma neft və qaz yataqlarının kəşfiyyatı, eləcə də neft və qaz əməliyyatları ilə maraqlananlar üçündür. Gələcəkdə olan  nəhəng energetika tələbatı bu sahəyə marağı günü gündən artırır.

Sistem mühəndisliyi

Sistem mühəndisliyi ixtisasında siz müasir kompüter-informasiya sistemlərinin proqramlaşdırılması və layihələndirilməsi, robototexnika və komplekslərin proqramlaşdırılması və s. bacarıqları əldə edə bilərsiniz. Həmçinin, ixtisas İT və oxşar ixtisaslara bənzəyir.

Uçuş mühəndisliyi

Gələcəyin qarışıq və nəhəng nəqliyyat dünyasında havada hərəkət edən nəqliyyat vasitələrindən istifadə qaçınılmazdır. Pilot olmaq istəyənlər ixtisası seçə bilərlər. Gələcəyinə heç bir şübhəsi olmayan və bir çox tələbləri olan xüsusi ixtisasdır.

Kimya mühəndisliyi

Kimya mühəndisliyi ixtisasına yiyələnməklə, həyatın bütün sahələrinə müraciət edən bir peşə sahibi olacaqsınız. Qida məhsullarının tərkibi, gündəlik istifadəmizin tərkibi, enerjisi, geyimi və s. bu ixtisasdan asılıdır.

Sənaye mühəndisliyi

İxtisas, insanlar, maliyyə, bilik, məlumat, avadanlıq, enerji, material və proses kimi komponentlərdən ibarət sistemin yaradılması, tətbiqi və inkişafı ilə məşğul olan mühəndislik sahəsidir. Həmçinin, prototiplərin yaradılması və satışı ilə maraqlanırsınızsa, ixtisas seçə bilərsiniz.

Birinci qrup üçün məsləhət

Digər qruplarda olduğu kimi bu qrupunda ixtisasları gələcəkdə geniş karyera imkanları verir. Sizin üzərinizə düşən vəzifə tam olaraq istədiyiniz ixtisasda qərarlaşmaq, bu ixtisasın şərtlərini və tələblərini anlamaq və bu ixtisası hərtərəfli olaraq mənimsəməkdir. Əgər qarşınızda qoyduğunuz məqsədə səmimi qəlbdən inanır və əməl edirsinizsə o məqsədə çatmağınız qaçınılmazdır. Bunun üçün sizə disiplin lazımdır. Disiplin zamanla sizin öz üzərinizdə formalaşdırdığınız bir prosesdir və bunun üçün də nə istədiyinizi dəqiq bilməlisiniz. Əgər istədiyiniz bir universitetə qəbul olmaq istəyirsinizsə bunun üçün çox çalışmaq, çox çalışmaq üçündə sizə enerji lazımdır. Yuxu rejiminizi düzgün idarə etməlisiniz, əks təqdirdə çalışmaq üçün olan enerjinizi qazana bilmiyəcəksiniz. Digər bir mövzu, motivasiyadır. Uğruna çalışdığınız bu ixtisasın gələcəkdə sizi nə mövqelərə daşıya biləcəyini bir düşünün. Aydın məsələdirki bu dövr gənclər üçün çox yorucu olur ama bu yorğunluqla başa çıxmağın tək yolu motivasiyadır. Qazanacağınız universitetlərin sizin həyatınıza qatacağı müsbət şeyləri unutmamağınızı vacibdir. İndi isə biraz bu universitetləri dəyərləndirək.

  1. Bakı Dövlət Universiteti
  2. Azərbaycan Dövlət Neft və Sənaye Universiteti
  3. Azərbaycan Texniki Universiteti
  4. Azərbaycan Memarlıq və İnşaat Universiteti
  5. Azərbaycan Dövlət Pedaqoji Universiteti
  6. Azərbaycan Dövlət İqtisad Universiteti
  7. Bakı Mühəndislik Universiteti
  8. Azərbaycan Respublikası Prezidenti yanında Dövlət İdarəçilik akademiyası
  9. “ADA ” Universiteti
  10. Azərbaycan Turizm və Menecment Universiteti
  11. Milli Aviasiya Akademiyası
  12. Azərbaycan Dövlət Dəniz Akademiyası
  13. Bakı Ali Neft Məktəbi
  14. Azərbaycan Respublikası Dövlət Gömrük Komitəsinin Akademiyası
  15. Naxçıvan Dövlət Universiteti
  16. Azərbaycan Dövlət Aqrar Universiteti (Gəncə şəhəri)
  17. Gəncə Dövlət Universiteti
  18. Azərbaycan Texnologiya Universiteti (Gəncə şəhəri)
  19. Sumqayıt Dövlət Universiteti
  20. Mingəçevir Dövlət Universiteti
  21. Lənkəran Dövlət Universiteti
  22. Azərbaycan Kooperasiya Universiteti
  23. “Azərbaycan ” Universiteti
  24. Qərbi Kaspi Universiteti
  25. Xəzər Universiteti
  26. Bakı Avrasiya Universiteti
  27. Bakı Qızlar Universiteti
  28. Odlar Yurdu ” Universiteti
  29. Bakı Biznes Universiteti
  30. Naxçıvan ” Universiteti (Naxçıvan şəhəri)

Son olaraq

Qəbul imtahanı abituriyentlərin ali təhsil müəssisələrinə qəbul olması üçün DİM tərəfindən keçirilən imtahandır.

Abituriyentlər müxtəlif fənlər çərçivəsində verdikləri imtahanlardan topladığı ballar vasitəsilə müxtəlif universitetlərin müxtəlif ixtisaslarına qəbul olurlar. Bunun üçün abituriyentlərə əsas imtahandan öncə sınaqlarda iştirak etmək tövsiyyə olunur. Əgər belə sınaqlarda iştirak etmək istəyirsinizsə Azərbaycanın ən böyük online sınaq platforması olan Oxuyan.az vasitəsilə sınaqlara rahatlıqla qoşula bilərsiniz.

DIM Blok imtahan sinaq - oxuyan online sinaq
DIM Blok imtahan sinaq – oxuyan online sinaq

 13,071 total views

Default image
Reshid Mirzoyev
Articles: 11