Hər şeyin sürətlə rəqəmsal platformaya çevrildiyi bugünkü dövrdə onlayn qəbul imtahanları da bu prosesdən kənarda qalmır. Artıq dünyanın bir çox yerlərində qəbul imtahanları onlayn aparılır və hər yerdə olduğu kimi burada da qarşılaşa biləcəyiniz bəzi çətinliklərlə yanaşı əldə edəcəyiniz faydalar da var. Bu cür problemlərlə qarşılaşmamaq üçün bu bloqda onlayn qəbul imtahanları ilə bağlı sizə bir sıra tövsiyələr verəcək və yaxşı nəticə əldə etmək üçün necə hazırlaşacağınızdan bəhs edəcəyik.
Deyirlər ki, min kilometrlik səyahət bir addımla başlayır. Ancaq bu səyahətin müvəffəqiyyətini təyin edən başlıca amil ilk addımı nə qədər yaxşı atmağınızdır. Buna görə də qəbul imtahanları hazırlığına həvəslə başlamağınız vacibdir.
Qəbul imtahanında yüksək nəticə göstərə bilməyiniz üçün yalnız bir şansınız var və bu səbəbdən də istənilən çətinliyin öhdəsindən rahatlıqla gəlmək hər şeydən vacibdir. Qəbul imtahanları üçün aşağıda göstərilən tövsiyələrə əməl edin və imtahanlara hazırlaşmağa başlayın.
Onlayn oxumağa vərdiş edin
Onlayn oxumağa vərdiş edin: İmtahan əsnasında 2-3 saat müddətində kompüter ekranına baxmalı olacaqsınız və bu sizin üçün heç də asan olmayacaq. Bir saatdan çox kompüter qarşısında oturmaq çoxumuz üçün baş ağrısından başqa bir şey deyil. Bu səbəbdən tədricən özünüzü buna uyğunlaşdırmalısınız. Buna görə də bu gündən başlayın, mümkün qədər gündəlik onlayn xəbərlər, bloqlar və s. oxumaq üçün vərdiş yaradın. Bu sizə çox kömək olacaq.
Praktika insanı mükəmməlləşdirir
Praktika insanı mükəmməlləşdirir: Həqiqətən də, uğurun sirri praktikadır. İstənilən imtahanda, hər hansı bir yarışda müvəffəqiyyət əldə etmək üçün praktikanız olmalıdır. Mövzuya uyğun həll yollarını və testlərin işlənmə texnikasını bilmək şansınızı artıracaqdır. Məktəb həyatının ilk illərindən bəri cavab kağızını vaxtında doldurmaq üçün ənənəvi olaraq sürətli yazmaq üçün məşq etmişik və bu texnikaya vərdiş etmişik. Lakin onlayn imtahanlarda komputerdən istifadə texnikasının yüksək səviyyədə olması mühümdür. Onlayn imtahanlara vərdiş etmək üçün rəqəmsal sınaq imtahanlarında iştirak edin və müxtəlif testlər həll edin. Bu sizdə tədricən vərdiş yaradacaq və imtahan günü sizə sürətli işləməkdə kömək olacaq.
Təlimatları hərtərəfli oxuyun
Təlimatları hərtərəfli oxuyun: İmtahana başlamağa tələsməyin. Təlimatlar sizə imtahanı ən yaxşı şəkildə necə idarə etməyinizlə bağlı kömək edə bilər. İmtahana başlamazdan əvvəl təlimatları oxumaq üçün təxminən 10-15 dəqiqə vaxt ayırmalısınız. Təlimatları imtahandan qabaq vaxtında diqqətlə oxuyun. Əks təqdirdə imtahana başladıqdan sonra həmin təlimatlara yenidən nəzər yetirməyə vaxtınız olmayacaq. Başlanğıcda təlimatlara diqqət etməyiniz sizə imtahanın gedişində böyük kömək olacaq və vaxtınıza da qənaət etmiş olacaqsınız.
Vaxtın idarə edilməsi bacarıqları
Vaxtın idarə edilməsi bacarıqları: İmtahandan öncə strategiya qurun və həmin strategiyaya əməl edin; beyninizdə fənləri sıralayın və hər fənnə nə qədər zaman sərf edəcəyinizi dəqiqləşdirin. İstənilən fənnə planladığınızdan daha artıq vaxt sərf etməyiniz məqsədəuyğun deyil. Ən zəif bildiklərinizi sona saxlamayın. Son bir neçə dəqiqədə vaxtınızın daralması düşünməzinizə mane olacaq. Buna görə də rahat olun, ağıllı davranın və yaxşı nəticə əldə edin.
Vaxtınızı ağıllıca istifadə edin
Vaxtınızı ağıllıca istifadə edin: Onlayn imtahanların qaydalarına görə hər dəfə yalnız bir sualı görə biləcəksiniz, buna görə də bütün sualları nəzərdən keçirməklə vaxtınızı itirməyin. Ən doğru yanaşma ardıcıl olaraq suallara baxıb onları həll etməyə çalışmaqdır. Tam əmin olduğunuz sualları seçin və həll etməyə başlayın. Bir sualın üzərində çox qalmayın, irəliləməyə davam edin və unutmayın ki, sizin həmişə bu suallara daha sonra qayıda bilmək şansınız var.
Narahat olmayın
Narahat olmayın: Ekrandakı taymerin sizi həyəcanlandırdığını bilirik, bu əsəblərinizə toxuna bilər, ancaq rahatlayın və sakitliyinizi qoruyun. Bu saatın sizə qalib gəlməsinə icazə verməyin – bütün səyləriniz və hazırlıqlarınız boşa gedə bilər. Taymerin yalnız bir xatırlatma rolu oynadığını düşünün və özünüzü hər cür narahatlıqdan xilas edin, yalnız o zaman ən yaxşı nəticəni əldə edə biləcəksiniz.
Qəbul imtahanları üçün hazırlıq sıxıcı ola bilər
İmtahan həddən artıq sıxıcı ola bilər. Hamımız ağıllı şəkildə imtahana hazırlaşmaq və lazımsız təhsil materiallarından, faydasız tövsiyələrdən uzaq durub vaxt qazanmaq istəyirik. Xüsusilə də, rəqabətin son dərəcə yüksək olduğu imtahanlara (məsələn: qəbul imtahanları və s.) hazırlaşarkən bir tələbənin nəyi bilmək istədiyini bilirik, bu səbəbdən də bu tövsiyələrin sizə növbəti onlayn imtahanınıza hazırlaşmaq üçün faydalı olacağına ümid edirik.
Əgər siz də ən son bloqlarımızı oxumaq istəyirsinizsə, Oxuyan platformasında blog bölməsini izləməyi unutmayın. İmtahanlara hazırlaşmaq üçün isə online imtahanlar bölməmizi ziyarət edə bilərsiz.
602 total views
