4-cü qrup ixtisasları və fənləri

Azərbaycan universitetlərində təhsil almaq istəyən hər bir abituriyent qərar vermədən öncə uzun müddət araşdırmalı, düşünməli, Azərbaycan universitetlərini bitirmiş şəxslərlə müzakirə etməli, götür-qoy etdikdən sonra qərar verməlidir. Bu yazı 4-cü qrup ixtisasları üzrə seçim etmək istəyən abituriyentlərə müəyyən qədər istiqamət vermək məqsədi güdür. Ayrıca 4-cü qrup testləri ilə tanış olmaq üçün imtahanlar bölməmizə nəzər sala bilərsiniz.

Qəbul imtahanları necə keçirilir?

Əgər siz Azərbaycan universitetlərində oxumaq istəyirsinizsə, ali təhsil müəssisələrinə qəbul qaydaları haqqında məlumat sahibi olmalısınız. Qeyd etmək mütləqdir ki, qəbul imtahanları Azərbaycan Respublikasının Dövlət İmtahan Mərkəzi tərəfindən  müsabiqə yolu ilə 2 mərhələdə həyata keçirilir. Müsabiqədə iştirak ödənişlidir. Müsabiqənin birinci mərhələsi buraxılış imtahanlarıdır. 

4-cü qrup fənləri və imtahanlar

Müsabiqənin birinci mərhələsində, yəni buraxılış imtahanında məzunlar tədris dilinə uyğun olaraq, Azərbaycan dili (yaxud, rus dili) , xarici dil və riyaziyyat fənlərindən imtahanı verirlər. Bu mərhələdə  abituriyentlərə Azərbaycan (rus) dilindən 30, xarici dildən 30, riyaziyyatdan isə 25 sual təqdim olunur. Buraxılış mərhələsində məzunların maksimum toplayacağı bal hər fəndən  100 bal olmaqla, toplam 300 baldır.

Buraxılış imtahanlarının nəticələri 2 il qüvvədə qalır, cari və növbəti il də abituriyentlər müsabiqədə iştirak etmək hüququna malik olurlar. 

Müsabiqənin ikinci mərhələsi isə blok imtahanıdır.  Bu mərhələdə seçim etdiyiniz ixtisas qrupunun fənlərindən imtahan verməlisiniz. Hər fəndən 30 sual olmaqla, 90 tapşırıq verilir. Bu mərhələdə toplayacağınız maksimum bal isə 400 baldır.

Qeydiyyat və imtahanların təşkili ilə bağlı məlumatları DİM-in rəsmi saytından əldə edə bilərsiniz: DİM

Təhsil və tədrislə bağlı qərarları və qanunları isə Təhsil Nazirliyinin rəsmi səhifəsindən oxuya bilərsiniz: TN

İxtisas qrupu seçimini necə etmək lazımdır?

Söhbət seçim etməkdən gedirsə, bütün seçimləri dərindən araşdırmaq mütləqdir. Araşdırdıqdan sonra isə məqsədinizlə kəsişdirməlisiniz. Bütün qrupları araşdırdınız və öyrəndiniz ki, 5 ixtisas qrupu var. Hər birində hansı fənlərin olduğunu da bilirsinizsə, düşünün ki, mənim məqsədimə gedən yol hansı qrupdan keçir və seçəcəyim qrupdakı fənlər mənim maraq dairəmdə olan fənlərdirmi?  Bəzi şagirdlərin sosial fənlərə, bəzi şagirdlərin texniki fənlərə, bəzi şagirdlər isə təbiət elmlərinə maraqları olur. Seçim edərkən maraqları nəzərə almaq gərəkdir. Bəzən şagirdlər heç bir əsas, heç bir səbəb olmadan qrup seçimi edirlər. Bir müddətdən sonra isə onun seçdiyi ixtisas qrupunun çox çətin olduğundan gileylənirlər. Seçiminizin səbəbi olmalıdır ki, hazırlıq prosesində həmin səbəb sizi motivasiya etsin və məqsədinizə gedən yolda çətinlik çəkməyəsiniz. Əgər seçiminizin bir səbəbi varsa, nəticəsi də əla olacaqdır.

Əksər abituriyentlərin seçim edərkən etdiyi ümumi bir səhv var. Bəzən şagirdlər fənləri müəllimlərinə görə dəyərləndirir və seçim edərkən həmin andakı bilik səviyyəsinə görə seçim edirlər. Ancaq unutmamalısınız ki, bir  fənni yaxşı bilməməyiniz o fənni heç vaxt öyrənə bilməyəcəyiniz mənasına gəlmir. Əgər arzuladığınız ixtisasa yol o fəndən keçirsə, xəyalınız üçün o fənni öyrənə bilərsiniz. Fənni müəllimə görə sevmirsinizsə, unutmayın ki, o fənni həmin müəllim yaratmayıb və müəlliminizi dəyişə bilərsiniz.

Əgər siz 4-cü qrup ixtisasını seçmisinizsə, bilməlisiniz ki, buraxılış imtahanından sonra ikinci mərhələdə siz biologiya, fizika və kimya fənlərindən imtahan verməlisiniz. Seçim edərkən özünüzü müxtəlif fənlərdən sınaq etmək istəsəniz, oxuyan.az platforması sizi müxtəlif fənlərdən imtahan nümunələri ilə tanış edə bilər:

 Seçim edərkən həmin qrupla sizin seçə biləcəyiniz universitetləri və ixtisasları da mütləq şəkildə araşdırmalısınız. “Hara qəbul olaram, olaram” fikri məqsədsiz şagirdlərəxas fikirdir. Siz özünüzü, xarakterinizi, istedadlarınızı və maraqlarınızı nəzərə alaraq seçim etməlisiniz.

4-cü qrup ixtisaslarından birini seçsəm, hansı ixtisasları seçə bilərəm?

Əgər siz 4-cü qrup ixtisasını seçirsinizsə, siz aşağıdakı ixtisaslar üçün müraciət edə bilərsiniz:

  • Tibb
  • Fizioterapiya və tibbi reabilitasiya
  • Bədən tərbiyəsi və idmanda reabilitasiya
  • Stomotologiya
  • Tibb bacısı işi
  • Əczaçılıq
  • İctimai səhiyyə
  • Baytarlıq təbabəti
  • Biologiya müəllimliyi
  • Biologiya
  • Kimya müəllimliyi
  • Kimya
  • Kimya-biologiya müəllimliyi
  • Psixologiya
  • Biotexnologiya
  • Ekologiya
  • Su bioehtiyatları və akvakultura
  • Bağçılıq və tərəvəzçilik
  • Bitki mühafizəsi

Tibb, Fizioterapiya və tibbi reabilitasiya, Bədən tərbiyəsi və idmanda reabilitasiya, Stomotologiya, Tibb bacısı işi, İctimai səhiyyə ixtisasları

Əksər 4-cü qrup abituriyentləri həmin qrupu tibb üçün seçir. Tibb və tiblə əlaqəli ixtisaslar hər dövr üçün aktualdır.  Əgər sizin özünüz yaddaşınıza, diqqətinizə, məsuliyyətinizə və özünüzə güvənirsinizsə, bu ixtisasları seçə bilərsiniz. İxtisası seçmədən Tibb  Universitetinin tələbələri və  həkimlərlə həmin ixtisasın ən xırda detallarına qədər maraqlanıb sonra seçim etməyiniz məsləhətdir.

Psixologiya

Balı həkimlikdən az olmasına baxmayaraq həkimlikdən heç də geri qalmayan ixtisasdır. Azərbaycanda son dövrlərdə araşdırılan və aktuallaşan bu ixtisas dünyada ən prestijli  və lazımlı ixtisaslardan biridir.

Müəllimlik ixtisasları

Müəlimliklə həkimlik müqayisə edilməz ixtisaslardır. Əgər siz müəllimlik ixtisasını seçəcəksinizasə, bunu balınız az olduğu üçün deyil, həqiqətən, uşaqlarla işləmək üçün seçməlisiniz. Müəllimlik də həkimlik qədər savad, diqqət və məsuliyyət tələb edir.

Biotexnologiya, Ekologiya, Su bioehtiyatları və akvakultura, Bağçılıq və tərəvəzçilik, Bitki mühafizəsi, Baytarlıq təbabəti və Əczaçılıq ixtisasları

Axtuallığı və fərqindəliyi artırılmalı və dünyanın, xüsusilə də son dövrlərdə, istehsalın bu qədər artdığı bir zamanda ehtiyacı olan ixtisaslarıdır. Sosial fərqindəlik və layihələr üçün əhəmiyyətli sahələrdir və inkişafı mütləqdir.

İxtisas seçimi zamanı edilən səhvlər

Bəzən ixtisas seçimini abituriyentin əvəzinə digər şəxslər edir. Ancaq xatırlamaq lazımdır ki, o ixtisası siz deyil, tələbə oxuyacaq. Onu bilmədiyi, sevmədiyi ixtisasda oxutdurmaq ona yaxşılıq əvəzinə pislik edir. Bir tələbə təhsil alırsa, aldığı təhsil öz seçimi olmalıdır. Söhbət kor-koranə seçimdən deyil, fərqində olaraq və araşdırılaraq edilən seçimdən gedir.

Əksər abituriyent plansız və məqsədsiz hazırlaşır. Əvvəldən oxuyacağın ixtisas planlaşdırılmalı, ona uyğun hazırlaşmalıdır. Balınız çatan ixtisas sizin ixtisas deyil, onun üçün bal topladığınız ixtisas sizin ixtisasdır.

Unutmayın ki, sevdiyiniz ixtisasda nə qədər çətinliklə qarşılaşsanız da, sevdiyiniz üçün araşdırıb, öyrənib çətinliklərdən bilgi qazanaraq çıxacaqsınız.

İxtisas seçimi zamanı özünüzə verməli olduğunuz suallar:

  • Həmin ixtisasın sənə yarada biləcəyi iş imkanları nələrdir?
  • O ixtisas 4-5 il sonrakı dövrdə nə qədər lazım olacaq?
  • O ixtisasda öz potensialınla nələr edə bilərsən?
  • O ixtisas sənə qurmaq istədiyin həyat üçün nə qədər kömək edə bilər?
  • O ixtisas səni xəyallarına və məqsədlərinə apara biləcəkmi?
  • O ixtisası bitirdikdən sonra əldə etdiyin mənəvi və maddi qazanc sənə xidmət edə biləcəkmi?
  • Xarakterin, psixologiyan, maraq dairən o ixtisasa uyğundurmu?

 4-cü qrup ixtisasları üzrə hansı universitetlərdə təhsil ala bilərsiniz?

Ətraflı məlumatı Təhsil Nazirliyinin saytından əldə edə bilərsiniz.

Əgər siz də ən son bloqlarımızı oxumaq istəyirsinizsə, Oxuyan platformasında blog bölməsini izləməyi unutmayın. İmtahanlara hazırlaşmaq üçün isə online imtahanlar bölməmizi ziyarət edə bilərsiz. 4-cü qrup testləri və sınaq imtahanları ilə hazırlığınıza töhfə verməyə davam edirik.

 6,369 total views

Default image
Əmiraslan Baxşılı
Articles: 31