Sözsüz ki, bakalavr dərəcəsini bitirmək hələ hər şey demək deyil. Ölkəmizin təhsil sisteminə əsaslansaq, yalnız magistratura səviyyəsini bitirmiş şəxslər tam ali təhsilli şəxslər hesab olunur. Düşünə bilərsiniz ki, təkcə bakalavr təhsili ilə də geniş iş imkanı əldə bilərəm. Ancaq magistratura dərəcəsini qazanmaq və tam ali təhsil prosesini yekunlaşdırmaq sizə yeni imkanlar açacaq.
Bəs magistratura təhsili bizə nə verir?
Öz sahəsində professionallaşmaq
Tələbənin öz ixtisasının ustası olması üçün yalnız bakalavr dərəcəsi kifayət deyil. Elə mövzular var ki, onlar magistratura dərslərində öyrənilir və ixtisaslaşma prosesində bu dərslərin mənimsənilməsi vacibdir.
Akademik fəaliyyətə atılmaq
Tələbələrin bəziləri bakalavr təhsilindən sonra istiqaməti dəyişərək pedaqoji sahəyə yönəlir və “universitetdə qalaraq” işləməyə başlayırlar. Ancaq universitetdə pedaqoq olmağın əsas şərtlərindən biri məhz ali təhsil almaq və magistratura dərəcəsini bitirməkdir. Universitet rəhbərliyi məhz ixtisaslaşmış kadrların akademik fəaliyyətə cəlb edilməsini prioritet hesab edir.
İxtisasdan narazılıq və başqa ixtisasda magistratura təhsili
Yüksək bal toplayıb eyforiyaya qapılaraq və ya valideynlərin təkidi ilə məlumatı olmadığı və sevmədiyi ixtisaslara qəbul olan kifayət qədər şəxs var. Bu şəxslər bakalavr təhsilini həvəssiz şəkildə başa vura bilsələr də, əksər hallarda özlərini bu ixtisasda görmürlər və əllərinə düşən ilk fürsətdə ixtisaslarını dəyişmək istəyirlər. İkinci bakalavr təhsili isə mövcud reallıqda, demək olar ki, mümkün olmur. Ancaq bəzi hallarda magistratura təhsili tələbələrə bu imkanı təmin edir. Bakalavr təhsilini başa vuran tələbələr sevdikləri ixtisas üzrə magistratura təhsili almağı seçirlər.
Xaricdə təhsil imkanı
Tələbələrin bəziləri magistr təhsili almaq üçün xaricə üz tutmağı seçirlər və bakalavr təhsilini yüksək ortalama ilə bitirənlər əksər hallarda nüfuzlu universitetlərə qəbul olurlar. Ancaq daxili universitetlərdə təhsil alaraq ixtisaslaşmağı seçən tələbələr də az deyil. Azərbaycanda magistraturaya qəbul imtahanı hər il iki dəfə olmaqla təşkil edilir və tələbələr 3 fəndən (Məntiq, İngilis dili və İnformatika) imtahan verir. Magistratura imtahanı 100 açıq və qapalı test sualından ibarət olur ki, bu suallar fənlər arasında bu şəkildə bölünür:
- Məntiq – 45 qapalı və 5 açıq test sualından ibarət olmaqla ümumilikdə 50 sual;
- İngilis dili – 20 qapalı və 5 açıq test sualından ibarət olmaqla ümumilikdə 25 sual;
- İnformatika – 20 qapalı və 5 açıq test sualından ibarət olmaqla ümumilikdə 25 sual.
Şübhəsiz ki, imtahanda qazanılan müvəffəqiyyətin açarı imtahanlara yaxşı hazırlaşmaqdır. Bəs “imtahana yaxşı hazırlaşmaq” nədir? Magistratura imtahanı elə fənlərdən təşkil olunub ki, müntəzəm olaraq test tapşırıqlarını həll edərək praktika etmək olar. Burda məntiq fənnini xüsusi vurğulamaq lazımdır, çünki imtahanda bu fənnin “öhdəsindən gələ bilmək” üçün hər hansı nəzəri biliklərə ehtiyac yoxdur. Riyazi biliklər, zəhmət və təcrübə sizin bu yolda yoldaşınız olmalıdır. Bunlar da kifayət deyil.
Bəs magistratura imtahanlarında müvəffəqiyyət qazanmaq üçün texnika varmı?
İndiyə qədər sınanmış ən effektiv metod sınaq imtahanlarında iştirakdır. Araşdırmalara görə sınaq imtahanlarında iştirak edən tələbələrin böyük əksəriyyəti əsas imtahanda digərlərindən daha az stress yaşayır və stressi idarəetmə qabiliyyətləri digərlərindən daha çoxdur. Bundan başqa sınaq imtahanlarının zaman limiti olması sizə imtahanın gedişatında zamanın idarəedilməsini öyrənməyinizə kömək edə bilər. “Oxuyan” online imtahan platformasına daxil olaraq müxtəlif məzmunlu (istər mövzular üzrə, istərsə də hər üç fənni əhatə edən kiçik imtahanlar formasında) online magistratura imtahanları ilə tanış ola bilərsiniz.
Onlayn magistratura sınaqları digərlərindən nə ilə fərqlənir?
Online Testlər daha əlçatandır.
Məkandan asılı olmayaraq istənilən tələbə stabil internetə sahib olduğu müddətdə sınaq imtahanında iştirak edə bilər. Nəqliyyatda vaxt itirməyə ehtiyac yoxdur. Ənənəvi sınaq imtahanları əksər hallarda müxtəlif kursların nəzdində və ya məktəblərdə təşkil olunur. Ancaq veb dəstəkli cihazının olması asanlıqla online sınaq imtahanlarına daxil olaraq iştirakınızı təmin edə bilir. Əgər sınaq imtahanlarına “Oxuyan” online imtahan platforması üzərindən qoşulursunuzsa, “Oxuyan”-ın yeni mobil tətbiqi öz mobil cihazınız üzərindən magistratura testləri ilə hazırlanmış online imtahanlarda iştirak etməyə şərait yaradacaq. Daha ətraflı məlumat əldə etmək üçün videonu izləyə bilərsiniz:
Online Testlər ilə vaxta qənaət edirsiniz.
Nəzərə alsaq ki, magistratura imtahanları sonuncu kurs tələbələri üçün təşkil olunur və bu tələbələrin diplom işi və buraxılış imtahanına hazırlaşmaq kimi başqa vacib vəzifələri də var, onların hər kəsdən daha çox vaxta ehtiyacı var. Belə ki, tələbələr evdən kənara çıxmadan yalnız internetə çıxış imkanını nəzərə almaqla onlayn sınaqlarda iştirak edə bilərlər. Əgər sonuncu kurs tələbəsisinizsə, Oxuyan.az Onlayn İmtahan platformasına daxil olaraq günün istənilən saatında həmişəaktiv sınaq imtahanlarında iştirak edə bilərsiniz. Sizə təqdim edilən bu imkan digər vacib planlarınızla sınaq imtahanın vaxtını növbələşdirməyə və günün aktiv saatlarını başqa işlərinizə ayırmağınıza şərait yaradacaqdır. Onlayn sınaqda iştirak etmək o qədər də çətin deyil. Əgər siz də onlayn sınaq imtahanlarının üstünlüklərindən faydalanmaq istəyirsinizsə, qeyd etdiyimiz video sizin üçün faydalı olacaqdır.
Online İmtahanlar Sərfəlidir.
Tələbələrin əksəriyyəti öz ciblərini düşünərək ənənəvi sınaq imtahanlarına əlavə pul xərcləməkdən boyun qaçırırlar. Təbii ki, kağız formatlı sınaq imtahanların təşkili əlavə maliyyə tələb edir. Nəzarətçilərin cəlb edilməsi, imtahan vərəqlərinin və sual kitabçalarının çapı, nəqliyyat və s. – bunların hər biri ekstra xərc tələb edir. Bütün bu sərfiyyat imtahanların qiymətlərində öz əksini tapır. Ona görə də ənənəvi sınaq imtahanlarının qiyməti 7 manatdan 10 manata qədər və bəzən daha artıq olur. Ancaq onlayn sınaq imtahanlarında bütün əlavə xərclər minimallaşdırıldığından qiymətlər daha aşağı olur. Oxuyan Online İmtahan platformasında aşağı qiymətli və hətta pulsuz imtahanlarda iştirak edə bilərsiniz.
Onlayn magistratura imtahanları və magistratura sınaq testləri magistratura mərhələsinə tələbə hazırlaşdıran repititorlar üçün də sərfəlidir. Artıq onların tələbələrə kağız üzərində sınaqlar və quizlər hazırlamağına, tələbələrin eyni məkana cəmləşdirilməsi üçün vaxt itirmələrinə və əlavə xərc etmələrinə ehtiyac yoxdur. Onlayn sınaq imtahanı hazırlayaraq sadəcə tələbələrə electron poçtla bildiriş göndərmələri və ya sınaq imtahanının keçid linkinin iştirakçılara yönləndirilməsi kifayətdir. Aşağıdakı video məhz onlayn testləri və online imtahanları hazırlamaqda çətinlik çəkən müəllimlər üçündür:
Əgər siz də ən son bloqlarımızı oxumaq istəyirsinizsə, Oxuyan platformasında blog bölməsini izləməyi unutmayın. İmtahanlara hazırlaşmaq üçün isə online imtahanlar bölməmizi ziyarət edə bilərsiz.
1,024 total views
