“Yüksəliş” müsabiqəsi ölkədə davam edən iqtisadi islahatların effektivliyini artırmaq və yeni kadrları axtarıb tapmağa istiqamətlənmiş layihədir. Biliyinə, bacarıqlarına və istedadına güvənən, strateji və sistemli düşünməyi bacaran şəxslər üçün təşkil olunmuş bu müsabiqədə iştirakçılar öz bilik və bacarıqlarını sərgiləyərək həmkarları ilə yarışırlar. “Yüksəliş” müsabiqəsi Azərbaycan Gənclər və İdman Nazirliyi tərəfindən maliyyələşdirilir. Müsabiqədə yer tutan və fərqlənən iştirakçılar xüsusi mükafatla qiymətləndirilir və dövlətin gözündə gələcəyin potensial kadrlarından birinə çevrilirlər. Belə ki, bu şəxslərin gələcəkdə ehtiyac olduqda idarəçilik sisteminin bir parçası olmaq kimi böyük şansları var. Adından da göründüyü kimi “Yüksəliş” müsabiqəsi gənclərə və yetkin şəxslərə öz karyeralarında yüksəlmək imkanı təqdim edir. Artıq bu tipli layihələrin ölkəmizdə keçirilməsi “daş altında yatan” istedadları üzə çıxarmaqda güclü təkan olacaqdır. Əgər siz də öz istedadınıza güvənirsinizsə, növbəti “Yüksəliş” qalibi niyə də siz olmayasınız? Ona görə elə indi “Oxuyan” platformasına daxil olun və müsabiqəyə bizimlə hazırlaşın. Bu yolda sizə “Yüksəliş” müsabiqəsinin qaliblərindən biri Orxan Quliyev yardım edəcəkdir.
Yüksəliş müsabiqəsi gənc istedadlara nə vəd edir?
Azərbaycanda kifayət qədər istedadlı gənclər var. Təəssüf ki, bu gün müxtəlif səbəblərdən rəhbərliyin həmin gəncləri böyük çoxluqla qiymətləndirmək imkanı yoxdur. Keçirilən müxtəlif layihələr və proyektlər məhz belə gəncləri tapmaq və dövlətin təməl sütunlarının inkişafında onların bacarıqlarından istifadə etməyə yönəlmişdir. Yüksəliş müsabiqəsi həmin layihələrdən sadəcə biridir. Onu da xüsusi qeyd etmək lazımdır ki, Yüksəliş müsabiqəsində iştirak tamamilə pulsuzdur və bu xüsusiyyət maddi imkanı zəif, ancaq kifayət qədər bacarıqlı gənclərimizin də diqqətdən kənarda qalmamasını təmin edəcək. Gənclərdən müsabiqə ilə bağlı yeganə tələb isə ondan ibarətdir ki, gənclərimiz özünə güvənməli və müsabiqədə iştirakdan çəkinməməlidir. Yüksəliş müsabiqəsinin qalibləri ilkin olaraq 20 000 azn pul mükafatı ilə mükafatlandırılır. Bununla yanaşı onlar ən yaxşı proqramlar çərçivəsində bacarıqlarını inkişaf etdirmək imkanı əldə edəcək və 1 il ərzində iri şirkətlərin menecerləri, dövlət qurumlarında rəhbər vəzifədə çalışanlar və ictimai xadimlər tərəfindən karyera məsləhətləri ala biləcəklər. O cümlədən, gələcəkdə kadrlar bankı yaradılacaq ki, qaliblərin adları həmin banka əlavə ediləcək.
Yüksəliş müsabiqəsində iştirak şərtləri
Yüksəliş müsabiqəsinin iştirakçısı ola bilmək üçün bir sıra şərtlər var və əgər bu şərtlər sizin tərəfinizdən ödənilirsə, müsabiqədə pulsuz şəkildə iştirak edə bilərsiniz. İlk şərt iştirakçısının Azərbaycan vətəndaşı olmasıdır. Layihə sırf Azərbaycan vətəndaşı olan şəxslər üçün təşkil olunur və gələcəkdə yaradılacaq kadrlar bankı ancaq Azərbaycan vətəndaşlarından ibarət olacaqdır. İkinci şərt yaş kriteriyasıdır ki, iştirakçı 21-51 yaş arasında olmalıdır. Daha gənc və yaxud yaşlı insanlar müsabiqədə iştirakdan məhrumdurlar. İştirakçının ali təhsilli olması ən vacib şərtlərdən biridir. Fərqlənən istedadların gələcəkdə kadr kimi işləyə bilməsi üçün ali təhsil almaları ən önəmli faktordur. Bununla yanaşı hər iştirakçının iş təcrübəsi ən azı 2 il olmalıdır. Dövlət qulluğu imtahanında iştirak edən və müvəffəq olan şəxslərə böyük üstünlük verilir və həmin şəxslər müsabiqəyə Azərbaycan Gənclər və İdman Nazirliyi tərəfindən xüsusi dəvət edilir. Ən önəmli kriteriyalar isə liderlik bacarıqları, yüksək intellekt, idarəetmə və sistemli düşüncə bacarıqlarıdır. Müsabiqədə qalib ola bilmək üçün adı sadalanan cəhətlər vacib faktorlardır.
Yüksəliş müsabiqəsinin formatı
“Yüksəliş” müsabiqəsi bir neçə mərhələdən ibarətdir. İlk mərhələ onlayn formatda keçirilir və bu formatda iştirakçının intellektual bilikləri və dünyagörüşü yoxlanılır, Azərbaycan haqqında bilikləri (coğrafi, tarixi, iqtisadi, hüquq və s.) test edilir. İkinci mərhələdə iştirakçının məntiqi bilik və bacarıqları, strateji düşünmə qabiliyyəti, verbal və riyazi təhlil bacarıqları yoxlanılır. Hər iki mərhələni uğurla keçən iştirakçılar üçüncü mərhələyə – əyani imtahana dəvət olunur. Əyani formatda sosial intellekt, düşüncə sürəti və məntiqi təfəkkür qabiliyyəti yoxlanılır. Bu formatın digər bir xüsusiyyəti Yüksəliş müsabiqəsinin əvvəlki mərhələlərində istifadə olunmuş suallara bənzər suallarla iştirakçının yenidən qiymətləndirilməsidir ki, bu da tamamilə şəffaflığı təmin etməyə hesablanıb. Növbəti mərhələlər yarımfinal və final mərhələləridir. Bu mərhələlərdə biznes problemlərinin həlli ilə bağlı yarışmalar, komandalarla oyunlar və s. təşkil ediləcək. Sonda Yüksəliş müsabiqəsinin qalibləri təyin olunacaq.
Yüksəliş müsabiqəsinə hazırlıq
“Karyerada inkişaf fürsəti ayağımıza qədər gəlmişkən bu fürsəti dəyərləndirməyin ən optimal yolu nədir?” deyə soruşsalar, hər kəsdən qabaq “Təbii ki, hazırlıqdır!” deyən şəxslərdən biri də biz olarıq. Müsabiqələrə, imtahanlara hazırlaşmağın müxtəlif yolları və üsulları var. Ancaq bir məqsədə çatmaq üçün həmin uğura nail olmuş şəxslərdən alacağımız məsləhətlərin dəyərini ölçmək çox çətindir. Nəzərə alsaq ki, Yüksəliş müsabiqəsi karyerada inkişaf edə bilmək və gələcəkdə Azərbaycan idarəçilik sistemində layiqli yer tuta bilmək üçün ən ideal layihələrdən biridir, müsabiqəyə hazırlıq da həmin müsabiqənin özü qədər professional olmalıdır. “Oxuyan” platforması olaraq sizə Yüksəliş müsabiqəsi testlərinə hazırlıq məqsədi ilə xüsusi materiallar təqdim edir (hazirliq_linki). Platforma sizə həm müsabiqənin ilk mərhələlərində istifadə olunmuş suallar üzrə hazırlıq təklif edir, həm də əyani formatda qarşılaşacağınız qiymətləndirmə prosedurları, sualları və digər materiallarla yüksək hazırlıq prosesi təqdim edir. Yüksəliş müsabiqəsinin qalibi Orxan Quliyev sizə uğura gedən yolda öz məsləhətləri ilə yardımçı olacaq. Qeyd olunan məsləhətlərə əməl edərək, Yüksəliş sualları formatında hazırlanmış materiallardan istifadə edərək növbəti müsabiqədə özünüzü tamamilə hazır hiss edəcəksiniz. Yuxarıda göstərilmiş linkə keçid edərək həm Yüksəliş müsabiqəsi testləri ilə tanış ola bilərsiniz, həm də Yüksəlişə hazırlıq mərhələsində öz suallarınıza cavablar tapa bilərsiniz. Bəlkə də növbəti Yüksəliş qalibi siz olacaqsınız və gələcək iştirakçılara məsləhət vermək sizin məsuliyyətiniz olacaq.
“Oxuyan” platforması olaraq karyeranızda uğurlar arzu edir və hədəfinizə gedən yolda sizə yardımçı olmaqdan qürur duyur.
14,750 total views
