1-ci qrup ixtisaslar – İxtisas seçimi

Tələbə adını qazanmaq hər bir abituriyentin arzusudur. Lakin düzgün ixtisas seçimi etmək abituriyentlər üçün düşündürücü, bir o qədər də çətin prosesdir. Oxuyanın bugünkü diqqətçəkən mövzusu isə hər il minlərlə abituriyentin DİM bakalavr səviyyəsi üzrə imtahanlarda iştirak edərək müraciət etdiyi I ixtisas qrupu ilə əlaqədar olacaq.  1-ci qrup ixtisaslar hansılardır və 1-ci qrupa müracət edən tələbələr hansı universitetlərdə daha yaxşı təhsil ala bilər – bu kimi sualları cavablamağa çalışacağıq. Ayrıca 1-ci qrup testləri1-ci qrup sınaq imtahanları ilə hazırlığa başlaya bilərsiniz.

DIM Blok imtahan sinaq - oxuyan online sinaq
DIM Blok imtahan sinaq – oxuyan online sinaq

Kimlər I ixtisas qrup ixtisaslara müraciət etməlidir?

Əgər siz riyaziyyat, fizika və kimya fənlərini sevir, məntiqi düşüncə və hesablama bacarıqlarına sahibsizinsə və gələcək karyeranızı bu bacarıqlar üzərinə inşa etmək istəyirsinizsə,1-ci qrup fənləri ilə universitetə qəbul olmaq tam sizin üçündür.

İxtisas seçimi edərkən nələrə diqqət edilməlidir?

I ixtisas qrupunu seçmiş abituriyentlər kifayət qədər ixtisas seçimi olduğunu bilməlidir. Amma seçim çoxluğu daha çox araşdırma edib, daha düzgün qərar vermə məsuliyyəti də doğurur. Bacarıqlarınıza, hobbi və maraqlarınıza xüsusi diqqət yetirin. Onlar bu işdə sizin yolunuza işıq tutacaq. Aşağıdakı sualları özünüzə verin:

  • Hansı peşə sahiblari mənə maraqlı gəlir?
  • Hansı işi görmək mənim üçün yorucu deyil?
  • Seçəcəyim ixtisas mənə karyera inkişafı vəd edirmi?
  • Seçəcəyim ixtisas üzrə xaricdə təhsil imkanları necədir?
  • Bu ixtisas 1-ci qrup ixtisasları arasında mənim üçün ən uyğun olanıdırmı?
  • 1-ci qrup ixtisasları üzrə qəbul olan tələbələrin həm universitet, həm də seçdikləri ixtisas barədə rəyləri necədir?

İxtisas, yoxsa universitet önəmlidir?

Əlbəttə ki, ixtisas! Bir çox hallarda abituriyentlər universitetin reytinqinə aldanıb yanlış ixtisas seçimi edə bilir. Sevmədiyiniz ixtisası reytinqli universitetdə oxumaq xəyalqırıqlığına səbəb ola bilər. Lakin unutmayaq ki, universitet tərəfindən təklif edilən tədris və təcrübə imkanları, xarici əlaqələr də diqqət yetirilməli olan  məqamlardan biridir.

İndi isə gəlin I ixtisas qrupunda ən geniş imkanlara sahib olan ixtisaslara və bəzi spesifik universitetlərə nəzər salaq.

Mühəndislik ixtisası

Əgər siz özünüzdə daxili marağın və analitik düşüncənin yüksək səviyyədə olduğunu düşünürsünüzsə, ixtisas olaraq mühəndislik elə məhz sizin seçəcəyiniz peşədir. Mühəndislik sadəcə darıxdırıcı bir riyaziyyat deyil. O sizə yaradıcılığınızı inkişaf etdirmək və mükəmməl yeniliklər yaratmaq üçün riyaziyyat, elm və biliklərdən istifadə etməyi öyrədir. Hər hansı bir mühəndislik sahəsində əldə etdiyiniz dərəcə sizi dünyanın hər tərəfinə apara bilər və yüksək maaş almağınıza kömək edə bilər. Kompüter, mexanika, kimya, inşaat, dağ-mədən mühəndisliyi və s. kimi bir çox sahələr mövcuddur. Azərbaycan mühəndislik sahəsində təhsil ala biləcəyiniz ən prestijli universitetləri bunlardır:

Bakı Mühəndislik Universiteti

Siz burada demək olar ki, mühəndisliyin bütün sahələrində təhsil almaq imkanına sahibsiniz. Son illərdə burada abituriyentlərin marağını cəlb etmiş proqramlardan biri isə Bakı Mühəndislik Universiteti ilə Cənubi Koreyanın İNHA Universiteti arasında bakalavriat səviyyəsində informasiya texnologiyaları, inşaat mühəndisliyi, elektrik mühəndisliyi , elektronika mühəndisliyi ixtisasları üzrə ikili diplom proqramı olmuşdur. DİM qəbul imtahanından minimum 300 və ya 400 bal (ixtisas üzrə dəyişir) toplamış abituriyentlər seçim mərhələsinə buraxılır və bundan sonra universitetin daxili qəbul imtahanında iştirak haqqı qazanır. Bu proqramın məzunları beynəlxalq təcrübəni öyrənərək, müvafiq mühəndislik sahələrində müasir bilik və bacarıqlara yiyələnərək 3 il Azərbaycanda, 1 il isə Cənubi Koreyada təhsil alma şansı əldə edir.

Azərbaycan Dövlət Neft və Sənaye Universiteti

Geologiya,  ekologiya, kimya, neft-qaz mühəndisliyi, kompüter elmləri, kompüter mühəndisliyi, fövqəladə hallar və həyat fəaliyyətinin təhlükəsizliyi mühəndisliyi, biotibbi texnologiya,  informasiya texnologiyaları,  sistem mühəndisliyi və s. ixtisaslarda təhsil almaq istəyən abituriyentlər üçün ən prestijli universitetlərdən biri hesab olunur.

İndi isə gəlin bir çox abituriyentin çaşqınlığına səbəb olan iki ixtisası müqayisə edək.

İxtisas kimi kompüter elmləri, yoxsa kompüter mühəndisliyi daha yaxşıdır?

İxtisas olaraq kompüter elmləri riyaziyyatın bir qolu olaraq məşhurlaşıb və burada təhsil alan tələbələr hesablama nəzəriyyəsi, proqramlaşdırma, mühitlər, alqoritmlər, məlumatların təhlükəsizliyi və ötürülməsi və s. mövzuları öyrənir, kompüter mühəndisliyi isə elektrik mühəndisliyinin bir qolu olaraq tanınır  və burada ixtisaslaşan tələbələr mikroçipləri, sxemləri, prosessorları, keçiriciləri və kompüter cihazlarında və ya sistemlərində istifadə olunan digər komponentləri necə inkişaf etdirməyi və sınaqdan keçirməyi öyrənirlər.

Azərbaycan Fransız Universiteti

Kimya, neft-qaz mühəndisliyi, geologiya, geofizika və kompüter elmləri sahəsində ixtisaslaşmış təhsil ocağı Azərbaycan Dövlət Neft və Sənaye Universitetinin və seçəcəyiniz ixtisasdan asılı olaraq Strasburq Universitetinin və ya Renn 1 Universitetinin tədris proqramı əsasında ikili diplom təhsili təklif edir. DİM qəbul imtahanında minimum 500 bal toplamış abituriyentlər Strasburq Universiteti tərəfindən hazırlanmış xüsusi testdən keçərək burada təhsil almaq haqqı qazanır.

Bakı Ali Neft Məktəbi

Son illərdə ölkəmizdə ən yüksək səviyyəli təhsil təklif edən bu universitet sizə kimya, neft-qaz mühəndisliyi, proseslərin avtomatlaşdırılması, kompüter mühəndisliyi və informasiya təhlükəsizliyi sahələri üzrə təhsil alma imkanları yaradır. Universitetin ölkədaxili və beynəlxalq şirkətlərlə yaratdığı uzunmüddətli əlaqələr sizə hər tədris ilinin sonunda yay təcrübə proqramlarında iştirak haqqı qazandıracaq. 1-ci qrup ixtisas seçimi edərkən bu universitetin fakultələrini nəzərdən keçirməyiniz lazımdır.

Memarlıq və dizayn ixtisasları

“Bir memar keçmişi dərk edərək bu gün üçün və bilinməyən bir gələcək üçün dizayn edir”. Memar olmaq istəyirsinizsə, üzərinizdə çox işləməlisiniz. Memarlar yalnız dizaynerlər deyil, xəyalpərəstlər və icraçılardır. Memarlar müxtəlif sənaye sahələrində binaların, quruluşların və digər yaradıcı konsepsiyaların layihələndirilməsindən məsuldur. Bu karyera sahəsi sizdən dünyagörüşü tələb edir, əvəzində isə rəqabətli maaşlar təklif edir.  Azərbaycanda isə aşağıdakı universitetlərdə tədris olunur:

  • Azərbaycan Memarlıq və İnşaat Universiteti
  • Bakı Mühəndislik Universteti
  • Azərbaycan Dövlət Rəssamlıq Akademiyası

Aviasiya ixtisası

Davamlı inkişaf üçün imkanlar, hər gün həyəcanverici mübarizə və heyrətamiz yeni həyat təcrübələri – cəlbedicidir, elə deyilmi? Aerokosmik və aviasiya sənayesi bütün bunları özündə birləşdirir və gələcək üçün əla bir karyera seçimidir. Ölkəmizdə isə Milli Aviasiya Akademiyasında uçuş mühəndisliyi, aerokosmik mühəndislik, aviasiya təhlükəsizliyi mühəndisliyi və s. kimi ixtisaslarda təhsil alaraq xəyallarızı gerçəkləşdirə bilərsiniz.

Müəllimlik ixtisası

Öyrətməyi və öyrənməyi sevirsiniz? Əla! O zaman müəllimlik sizin üçün əvəzedilməz bir seçimdir və dünyada hər zaman işini sevən müəllimlərə ehtiyac var. I ixtisas qrupu üzrə sənəd verməyi planlaşdıran abituriyentlər fizika, riyaziyyat, informatika müəllimliyi üzrə təhsil almaq imkanlarına sahibdir. 1-ci qrup ixtisaslar üzrə ölkəmizdə ən reytinqli universitetləri isə Bakı Dövlət Universiteti və Azərbaycan Dövlət Pedaqoji Universitetləridir.

Oxuyan komandası sizə imtahanlarınızda və gələcək ixtisas seçimizində uğurlar arzu edir.

Əgər siz də ən son bloqlarımızı oxumaq istəyirsinizsə, Oxuyan platformasında blog bölməsini izləməyi unutmayın. İmtahanlara hazırlaşmaq üçün isə online imtahanlar bölməmizi ziyarət edə bilərsiz.

DIM Blok imtahan sinaq - oxuyan online sinaq
DIM Blok imtahan sinaq – oxuyan online sinaq

 10,505 total views

Default image
Əmiraslan Baxşılı
Articles: 34