5-ci qrup ixtisasları və fənləri

Oxuyan bugünkü bloqunda sizə, əsasən, yaradıcı və fiziki məşğuliyyətlərini karyerasının bir qolu halına gətirmək istəyən insanların üstünlük verdiyi ixtisas qrupu – 5-ci ixtisas qrupu barədə məlumat verməyə çalışacaq. Bu ixtisas qrupu son illərdə yaradılmasına baxmayaraq hər il minlərlə abituriyent tərəfindən müraciət qəbul edir.

DIM Blok imtahan sinaq - oxuyan online sinaq
DIM Blok imtahan sinaq – oxuyan online sinaq

5-ci qrup ixtisasları haqqında qısa məlumat

2015-ci ildən etibarən, artıq abituriyentlərin  4 fərqli ixtisas qrupu arasından deyil də, 5 ixtisas qrupu arasından seçim etmək  imkanları yarandı. Abituriyentlər qəbul zamanı hər birində 30 sual olmaqla ümümilikdə 90 sualı cavablandırmalı idi. Bu qrupun qəbul imtahanını digər ixtisas qruplarından fərqləndirən cəhət odur ki, qəbul üçün abituriyentlər yalnız buraxılış imtahanında iştirak edərək topladığı bal əsas ölçü meyarını oynayır. Yekunda toplanılmış ballardan əlavə abutiriyentlərdən bir də əlavə olaraq qabiliyyət imtahanında minimal keçid balının toplanılması tələb edilir. Abituriyentlər 5-ci qrupa imtahan zamanı məhz aşağıdakı 3 fəndən imtahan verirlər.

  • Riyaziyyat fənni
  • Azərbaycan dili fənni
  • Xarici dil *

Yuxarıda ulduz ilə qeyd etdiyimiz hissə onu bildirir ki, şagirdlər dil seçimini məhz onlara orta təhsil müəsisəsində tədris edilən xarici dil üzrə seçə bilərlər. Xarici dil tədris edilməyən məktəblərdə təhsil alan abituriyentlər isə Xarici dil imtahanının yerinə kimya fənnindən imtahan verə bilərlər. 2019-cu ildən etibarən həyata keçirilən dəyişiklik nəticəsində artıq buraxılış imtahanında toplanıla bilən maksimum bal dəyişdirilərək 300 bal olmuşdur.

5-ci qrup ixtisası üzrə imtahanlarda cari illərdən savayı əvvəlki illərin məzunları da iştirak edə bilərmi?

DİM-in həyata keçirdiyi imtahanlarda təhsil almaq istəyən hər bir kəs iştirak edə bilər. Məhz 5 ci ixtisas qrupu üzrə qəbul imtahanında iştirak etmək istəyən şəxslər sadəcə onlar üçün təşkil edilən buraxılış imtahanı formatında keçirilən imtahanda iştirak etməlidirlər və nəticədə, əldə etdikləri imtahan balına müvafiq olaraq müsabiqədə iştirak etmək şansı əldə edirlər. Amma cari ildə məzun olan abituriyentlərin sadəcə 11 illik buraxılış imtahanında iştirak etməyi kifayət edir.

İxtisas seçimi edərkən nələrə diqqət edilməlidir?

Ölkəmizdəki reallığı nəzərə alsaq görərik ki, əksər hallarda 5-ci ixtisas qrupuna müraciət etmiş abituriyentlər bu ixtisas qrupunu “B” planı kimi görür. Amma ixtisas seçimi ən vacib və məsuliyyətli proseslərdən biridir və ixtisas seçiminin əvvəlcədən prioritetləşdirilməsi, hədəfin seçilməsi hazırlıq prosesini də daha əyləncəli və axıcı hala gətirir.  Seçim çoxluğu daha çox araşdırma edib, daha düzgün qərar vermə məsuliyyəti də doğurur. Bacarıqlarınıza, hobbi və maraqlarınıza xüsusi diqqət yetirin. Onlar bu işdə sizin yolunuza işıq tutacaq. Aşağıdakı sualları özünüzə verin:

  • Hansı peşə sahiblari mənə maraqlı gəlir?
  • Hansı işi görmək mənim üçün yorucu deyil?
  • Seçəcəyim ixtisas mənə karyera inkişafı vəd edirmi?
  • Seçəcəyim ixtisas üzrə xaricdə təhsil imkanları necədir?
  • Bu ixtisas 5-ci qrup ixtisasları arasında mənim üçün ən uyğun olanıdırmı?
  • 5-ci qrup ixtisasları üzrə qəbul olan tələbələrin həm universitet, həm də seçdikləri ixtisas barədə rəyləri necədir?

Özünüzü və maraqlarınızı nəzərdən keçirin.

Hər bir fərdin fərqli məqsədləri, istedadları, maraqları və dəyərləri var. Başqa sözlə, hər bir fərdin bacarıq və istedadlarına əsasən yiyələnməlii olduğu müəyyən karyeralar var, hansı ki onlar bu peşəyə yiyələnsələr bu sahədə üstünlük qazana və həyatlarından daha razı qala bilərlər. Karyera qiymətləndirmələri aparmaq, karyera məsləhətləri almaq və hərtərəfli özünüzü analiz etməklə nədən həzz alacağınızı və üstün ola biləcəyinizə qərar verin.

Unutmayın ki, siz həyatınızın çox hissəsini seçdiyiniz peşəyə həsr edəcəksiniz, ona görə də, bu, sevdiyiniz və ya sevə biləcəyiniz bir peşə olmalıdır. Bir vərəqdə iki sütun düzəldin; bir sütunda nə etməyi sevdiyinizi, digərində isə istedad və bacarıqlarınızı yazın. Nə etməyi xoşladığınızla əlaqəli bacarıqları birləşdirən bir xətt çəkin, beləliklə, malik olduğunuz bacarıqları və onları görəcəyiniz işdə necə istifadə edəcəyinizi müəyyən edərək seçimlərinizi aydınlaşdıra bilərsiniz.

5-ci qrup ixtisas seçimləri arasında seçim etmək üçün kiçik məsləhətlər

Maraqlarınıza və bacarıqlarınıza ən uyğun olan peşəni müəyyən etdikdən sonra, diqqətinizi çəkən karyera ilə bağlı hər şeyi araşdırın. Əgər imkanınız varsa, maraqlandığınız peşənin tətbiq olunduğu əraziyə və ya yerə baş çəkin. Məsələn, başqalarına kömək etməyə meylli olduğunuzu hiss edirsinizsə və tibb bacısı sahəsində karyera qurmağı düşünürsünüzsə, xəstəxanaya baş çəkin və özünüzü bu mühitdə təsəvvür edin. Özünüzü tibb bacısı kimi təsəvvür etdiyiniz zaman hisslərinizə xüsusi diqqət yetirin.

5-ci qrupda təhsil ala biləcəyiniz ixtisas və universitetlər

Məlumdur ki, ixtisas seçimi universitet seçimindən daha vacib məsələdir. Lakin düzgün ixtisası yanlış seçilmiş universitetdə öyrənməyə çalışmaq sizi həvəsdən sala və tədrisin keyfiyyətinə kəskin şəkildə təsir edə bilər.

Bu başlığın altında 5-ci qrup ixtisasları arasında ən yayğın sahələri və əgər bu sahəni seçmək istəyirsinizsə, hansı universitetdə yaxşı təhsil ala biləcəyinizi qeyd edəcəyik.

Musiqi

Pərdə qalxır və orkestrin səsini eşidirsiz. Əlinizin bir hərəkəti ilə şou başlayır. Viktor Hüqonun dediyi kimi, “Musiqi söyləmək mümkün olmayan,həmçinin, susmaq mümkün olmayan şeyləri ifadə edir”. Musiqi vasitəsilə danışmağa olan həvəsinizi bir qədər fədakarlıq, düşüncə və sarsılmaz bağlılıqla karyeraya çevirə bilərsiniz. Musiqinin dili ilə könüllərə yol tapa,qəlbləri oxşaya bilərsiniz. Azərbaycan Dövlət Mədəniyyət və Incəsənət Universitetində və Azərbaycan Milli Konservatoriyasında musiqişünaslıq, bəstəkarlıq, instrumental ifaçılıq və vokal ixtisaslarına yiyələnə bilərsiniz. Musiqiçi karyerası maliyyə və ya texnologiya kimi digər sahələrdən çox fərqlidir. Özünüzü bir musiqiçi kimi inkişaf etdirmək və başqaları tərəfindən diqqəti cəlb etmək üçün vaxt lazım ola bilər. Önəmli olan bu yolda özünüzə və istedadınıza güvənmənizdir.

Bədən tərbiyyəsi və idman

Siz formal ixtisas olmadan bir idmançı kimi işləyə bilərsiniz. Bununla belə, seçdiyiniz idman növü üzrə yüksək səviyyəli təcrübə vacibdir. Komanda şəklində olan  idman növlərində siz bacarıqlarınızı inkişaf etdirmək və təkmilləşdirmək üçünn məşqçinin rəhbərliyi altında olacaqsınız. Ayrı-ayrı idmançılar adətən elit səviyyəyə çatmaq üçün onlara kömək edəcək bir məşqçi axtarırlar. İdman sahəsinfə mütəxəssisləşmək istəyən insanlar peşəkar idman məşqçiləri və idmanın geniş spektri üzrə yarışların təşkil edildiyi müəssisədə təhsil almaqla öz bacarıqlarını inkişaf etdirə bilərlər.. Hal-hazırda ölkəmizdə Azərbacan Bədən Tərbiyəsi və İdman Univeristeti professional səviyyədə bədən tərbiyəsi və çağırışaqədər hazırlıq müəllimi, məşqçi, idman meneceri, idman jurnalisti, idman tibbi və reabilitasiya üzrə mütəxəssislər yetişdirir.

Kino

Biz demək olar ki, hər gün aktyorları görür və eşidirik – onlar kino, televiziya, radio və ya teatr tamaşalarında müxtəlif personajları canlandırır. Əksər insanların aktyor deyildiyi zaman ağlına böyük Hollivud ulduzları gəlir. Bu, əlbəttə ki, aktyorluq karyerası quran hər kəsin ən böyük arzusudur. Azərbaycanda Mədəniyyət və İncəsənət Universitetində siz kino sahəsi üzrə bilikləri əldə edə bilərsiniz.

Oxuyan komandası olaraq bütün abituriyentlərə uğurlar arzu edirik.

Əgər siz də ən son bloqlarımızı oxumaq istəyirsinizsə, Oxuyan platformasında blog bölməsini izləməyi unutmayın. İmtahanlara hazırlaşmaq üçün isə online imtahanlar bölməmizi ziyarət edə bilərsiz.

DIM Blok imtahan sinaq - oxuyan online sinaq
DIM Blok imtahan sinaq – oxuyan online sinaq

 13,497 total views

Default image
Əmiraslan Baxşılı
Articles: 34