Online MİQ imtahanları

MİQ imtahanı (və ya Müəllimlərin işə qəbulu üzrə imtahan) pedaqoji təhsili olan hər bir məzunun orta məktəblərdə işləmək arzusunu reallaşdıracağı imtahandır. “Müəllim olmurlar, müəllim doğulurlar”, “hər adam müəllim ola bilməz, gərək səbirli olasan, empatiya mənbəyi olasan” fikirləri doğrudurmu? Əlbəttə, xeyr.

Müəllimlik öyrənmə və öyrəndiyini ən gözəl və ən rahat şəkildə öyrətmək sənətidir. Öyrənmək üçün müşahidə etməyi bacarmaq gərəkdir, öyrətmək üçün isə müşahidə etdiklərimizlə öz zehnimizdə, ruhumuzda yığdıqlarımızı bir yerə toplayıb  yaradıcılıqla digər beyinlərə ötürmək gərək. Yəni, müəllimlik ancaq beyin işi deyil.

Müəllimlik beyin,ruh və ürəyin əməkdaşlığıdır. Bəs bir müəllim müəllimliyə necə başlayır? Öyrənmə yoluna çıxaraq. Beynini və daxili dünyasını zənginləşdirərək. Bir müəllim özü ən çətin yolları keçməlidir ki, şagirdləri o yollardan keçəndə onları düzgün yönləndirə bilsin. Keçdiyi bütün yollardan dərs çıxararaq yeni yollar kəşf etməlidir.

DIM Blok imtahan sinaq - oxuyan online sinaq
DIM Blok imtahan sinaq – oxuyan online sinaq

 Bir tələbə hansı yollardan keçərək müəllim olur? MİQ imtahanı barədə

Abituriyent müəllimlik ixtisasını seçir. 4-5 il özünütəhsil və xarakterindəki boşluqları aradan qaldırmaq üçün vaxtı olur. Burda önəmli olan bir hissə var. Bir insan, xüsusilə də, bir müəllim öz həyatını nizam-intizama salmağı, öz psixologiyasını öyrənməyi və istənilən çətinlikdə ən düzgün seçimi etməyi bacarmalıdır.

Öz həyatını inşa edən bir müəllim şagirdlərə də həyatlarını necə qurmalı olduqlarını öyrədə bilər, özünə təhsil qazana  bilən müəllim şagirdə də hər şeyi öyrədə bilər. Özünü, nəfsini tərbiyə edən, eqolarında arınan bir müəllim şagirdin də xarakterindəki boşluqları tapıb, yerinə doğruları qoya bilər. Təhsil özünütəhsildən  başlayır.

Bir məzun 4-5 illik bu məşəqqətli yoldan keçdi və qərar verdi ki, pedaqoji fəaliyyətinə orta məktəbdən başlasın. Necə başlasın? MİQ imtahanlarında iştirak edərək…

MİQ imtahanları necə təşkil olunur?

MİQ imtahanları ildə bir dəfə, yay aylarında , müxtəlif bölgələrdə təşkil olunur. MİQ saytından şəxsiyyəti təsdiq edən sənədin fin kodu və təhlükəsizlik kodunu yazmaqla qeydiyyatdan keçmək lazımdır.

Qeydiyyatdan keçdikdən sonra bütün məlumatlar şəxsi səhifənizə göndəriləcəkdir, mütəmadi olaraq şəxsi səhifəyə daxil olub məlumatları nəzərdən keçirməlisiniz. MİQ Təhsil Nazirliyi tərəfindən müsabiqə yolu ilə həyata keçirilir.

Müsabiqə 4 mərhələdən ibarətdir: elektron ərizədəki göstəricilərin yoxlanılması, test imtahanı, vakant yerlərin seçilməsi və müsahibə mərhələsi. Birinci mərhələdə siz elektron qeydiyyatdan keçməlisiniz. Bir neçə gün ərzində ərizə yoxlanılacaq və sizə digər mərhələ haqqında məlumat göndəriləcəkdir. İkinci mərhələ test imtananı mərhələsidir. İmtahan sizə ən yaxın bölgədə, kompüter vasitəsi ilə həyata keçirilir. 

MİQ imtahanında Test imtahanı mərhələsinə necə hazırlaşmalı?

Qeyd etmək lazımdır ki, test imtahanında hər bir namizədə onun ixtisası üzrə ümumi təhsil müəssisələrinin fənn proqramlarına aid 40 sual, tədris metodikası və təlim strategiyalarına aid 20 sual təqdim edilir. İmtahana hazırlaşmaq üçün ən prestijli kurslara getmək, illərlə, aylarla, günlərlə hazırlaşmağa ehtiyac yoxdur.

Hər bir işdə olduğu kimi imtahana hazırlıq dönəmində də sistemli, nizamlı və planlı olmaq lazımdır. Plansız şəkildə bütün gün oxuyaraq beyni yormaqdansa, planlı şəkildə, bir neçə saat həvəslə oxumaq daha effektivdir.

Planlaşdırmanı düzgün etdikdən sonra hər çətin mərhələni çox rahat keçmək olur. Planlaşdırmada vaxtı və mövzuların sayını, eyni zamanda qavrama müddətimizi də nəzərə almaq mütləqdir.

Çox təəssüf ki, əksər şagirdlər kimi müəllimlər də özlərini digərləri ilə müqayisə edirlər. Öncə beyinə təlqin etmək lazımdır ki, hər insanın xarakter tipi və öyrənmə metodu fərqlidir. Biri 1 saata öyrənən materialı digəri 15 dəqiqəyə öyrənir. Bu birinin digərindən zəkalı olduğu mənasına gəlmir. Önəmli olan düzgün öyrənmə mexanizmimizi tapmaqdır.

Müxtəlif öyrənmə metodları var və onların hər birini yoxlayıb özünəməxsus metodu seçib tətbiq etmək lazımdır. Metodu da tapdınızsa hazırlığa başlamaq olar. Hazırlıq prosesində də önəmli məqamlar var.

İmtahanlara hazırlaşanların etdiyi bəzi səhvlər var. İmtahanı həyat məqsədinə çevirmək. İmtahan missiya deyil. Namizədlər bəzən imtahana hazırlaşarkən imtahanı həyatın mərkəzinə qoyurlar. Unutmayın ki, imtahan sizi xəyalınıza aparan yollardan biridir.

Həyatınız ondan asılı deyil, sadəcə xəyalınıza ordan keçməlisiniz. Bunu düşünərək stressi azalda bilərsiniz. Stress imtahanın birinci düşmənidir. Onu dəf etsəniz. İmtahana hazırlıq dönəmini stressiz keçirsəniz, bu dönəmdən öyrənməkdən zövq alacaqsınız.

Mütləq diqqət etməli olduğunuz digər məqamlar isə yuxu rejimi və sağlam qidalanmadır. Bunları nəzərə alsanız çətinliyi hiss etməyəcəksiniz. İmtahana hazırlıq prosesi isə iki hissəli olmalıdır.

Müəllimliyə namizəd olan məzun nəzəri hissəni mükəmməl öyrəndikdən sonra tətbiq etməni öyrənmək üçün çoxlu test işləməli və online miq testləri vasitəsilə özünü yoxlayıb zəif nöqtələri tapmalıdır.

Online MİQ imtahanları ilə hazırlaşmaq niyə vacibdir?

Hər sınaq, hər test bilgiləri möhkəmləndirir, test işləmə sürətimizi artırır. İlk növbədə imtahanda vaxtı necə idarə edəcəyimizi öyrədir. Çoxlu test nümunələri görərək asan, orta və çətin sual nümunələrinin hamısına hazırlıqlı oluruq. Stresi dəf edirik. Nə qədər çox imtahanda iştirak etsəniz, əsl imtahanda o qədər rahat olacaqsınız. Bu baxımdan online sınaq imtahanları fürsətdir.

Online MİQ imtahanlarında necə iştirak edə bilərik?

online miq imtahani, onlayn miq testleri sınaq imtahanı
Onlayn MİQ testləriMİQ sınaq imtahanları Oxuyan.az saytında

Oxuyan online sinaq imtahanı platformasına daxil olaraq müxtəlif tipli miq sınaq testlərində iştirak edə bilərsiniz. Hər sınaq testində zəif nöqtənizin tapıb onları aradan qaldıraraq özünüzə inamı da bərpa edə bilərsiniz.

MİQ hazırlığı üçün digər mərhələlər

Test imtananı mərhələsini uğurla keçdikdən sonra vakansiya seçimi etməliniz, uyğun namizədlər müsahibə mərhələsinə dəvət olunur. Test imtahanı mərhələsində keçid balı toplamış namizədlər səkkiz vakant yer seçə bilərlər.

Namizədlərin vakant yerlərə yerləşdirilməsi onların elektron ərizədə qeyd etdikləri seçim ardıcıllığı gözlənilməklə aparılır. Müsahibə mərhələsində namizədlərin peşəkar kompetensiyaları, psixoloji hazırlığı və ümumi dünyagörüşü müsahibə proqramına uyğun olaraq müvafiq komissiya tərəfindən yoxlanılır.

İmtahana hazırlıq prosesində mütləq nəzərə almalısınız:

Motivasiya içdən gəlir və siz bunu özünüz yaratmalısınız. Məsələn, düşünə bilərsiniz ki, haradasa sizi gözləyən şagirdlər var və yaxud düşünə bilərsiniz ki, siz nə qədər həvəsli və çalışqan olsanız, şagirdləriniz də elə olacaq.

Əgər siz də ən son bloqlarımızı oxumaq istəyirsinizsə, Oxuyan platformasında blog bölməsini izləməyi unutmayın. İmtahanlara hazırlaşmaq üçün isə online imtahanlar bölməmizi ziyarət edə bilərsiz.

DIM Blok imtahan sinaq - oxuyan online sinaq
DIM Blok imtahan sinaq – oxuyan online sinaq

 1,120 total views

Default image
Əmiraslan Baxşılı
Articles: 34