Xarici dil öyrənmək, xüsusilə də, ingilis dilini dərindən mənimsəmək bir çox gəncin arzusudur. Bunun bir çox səbəbi ola bilər: əmək bazarında daha rəqabətcil olmaq istəyi, xaricdə təhsil, dünyadakı bir çox insanla ortaq dili danışa bilmənin verdiyi zövq və başqa bir neçə böyüklü-kiçikli səbələr. Ümumi götürsək, Azərbaycan da daxil olmaqla, dünyanın əksək ölkələrində ingilis dilini yüksək səviyyədə bilən insanların sayı artmaqdadır. Bunun əsas səbəbi, sözsüz ki, artıq internet bağlantısının daha əlçatan olmasıdır. Əvvəlki məqaləmizdə də danışdığımız kimi, pandemiya dövründə internetin resurslarının mövcudluğu insanların təhsil yolunda yaranan bir çox çətinliklərə innovativ həllər gətir: onlayn kitablar, onlayn sınaq imtahanı və digər imtahanlar, onlayn vebinarlar, dərslər, sosial şəbəkələrdə ortaq hədəfləri olan insanları birləşdirən onlayn cəmiyyətlər müasir dövrümüzdə ingilis dilinin öyrənilməsi prosedurunu asan və xoşagələn edən əsas komponentlərdəndir.
Qeyd etdiyimiz kimi, hazırda əksər insanların, ələlxüsus da gənclərin, şəxsi inkişafda ilk olaraq fokuslandığı nöqtələrdən biri ingilis dilindən yazılı və şifahi kommunikasiya vasitəsi kimi istifadə qabiliyyətini inkişaf etdirməkdir. Əfsuslar olsun ki, biliyin əldə olunması yollarının çox müxtəlif və qarışıq olması bir çoxlarını demotivasiya edir. “İngilis dili bacarıqlarımı inkişaf etdirməyə haradan başlayım?” tipdə suallar bəzən insanların bu yolda azmasına səbəb olması da istesna olunmur.
Sizi əmin edirik ki, hər hansı bir yolda son dayanacağa mümkün qədər tez çatmaq istəyirsinizsə, hazırda harada olduğunuz bilməyiniz vacibdir. Eyni məntiq ingilis dili öyrənmək istəyənlər üçün də keçərlidir: inkişaf planınızı qurmaq üçün əvvəlcə hazırkı ingilis dili səviyyənizi bilməlisiniz. Öncəliklə qeyd edək ki, ingilis dili biliyi 6 səviyyə üzrə hesablanır:
- A1 – Elementary (bəsit səviyyə)
- A2 – Pre Intermediate (aşağı orta səviyyə)
- B1 – Intermediate (orta səviyyə)
- B2 – Upper Intermediate (yuxarı orta səviyyə)
- C1 – Advanced (qabaqcıl səviyyə)
- C2 – Proficient (səlis)
Məqsədiniz əvvəlcə bu səviyyələrin hansının sizə aid olduğu təsbit edib, sonra isə öz səviyyənizə uyğun materiallarla daha yüksək səviyyələrə doğru irəliləmək üçün çalışmaq olmalıdır. Sınaq imtahanları bu yolda ən yaxın köməkçiniz olacaq. Ən geniş yayılmış ingilis dili səviyyəsinin bəlirlənməsi metodu test imtahanlarıdır. Lakin ölkəmizdə də bir çox qurumlar tərəfindən təşkil edilən sınaq imtahanlarının heç də hər birinin keyfiyyətinə və doğruluğuna zəmanət vermək mümkün deyildir. Bu səbəbdən, pandemiyadan qaynaqlanan qapanmaları da nəzərə alaraq, sizə onlayn sınaq imtahanı vasitəsilə ingilis dili səviyyənizi ölçə bilmək üçün bir neçə mənbə önərəcəyik.
- British Council. Britaniya Konsulluğu qurumun reputasiyası və digər bir çox səbələrdən, həqiqətən də güvənməyə dəyər mənbələrdən hesab olunur. Bir çoxları qurumun onlayn resurlarından hələ də agah olmasa da, rəsmi vebsayt tərəfindən yerləşdirilən və ingilisi dili səviyyənizi ölçməyə yardımçı olan onlayn sınaq imtahanından istifadə etməyiniz şiddətlə tövsiyə olunur.
- Oxford Online English. Digər onlayn sınaq imtahanı resursları ilə müqayisədə bu vebsaytın əsas üstünlüyü sizin biliyinizi 4 müxtəlif bölmə (dinləmə, lüğət, qrammatika və oxuma) üzrə bəlirləməsidir. Bu onlayn sınaq toplusundan istifadə edərək zəif nöqtələrinizi daha rahatlıqla aşkar edə, beləliklə də, fokuslanmağınız gərəkən bölmələr haqda yekun qərarınızı daha asanlıqla verə bilərsiniz.
- BBC Learn Enlgish. Bəli, burada söhbət məşhur “BBC” kanalının şəxslər üçün pulsuz olaraq istifadəyə verdiyi onlayn sınaq imtahanı resurslarından gedir. Sayta daxil olaraq 3 müxtəlif bölmədən birini seçə və imtahan nəticəsindən asılı olaraq ingilis dili səviyyəniz barədə təsəvvürə malik ola bilərsiniz. Saytda onlayn sınaq imtahanından əlavə özünüzü inkişaf etdirə bilməyiniz üçün bir çox faydalı məqalələr mövcuddur. İntensiv şəkildə öyrənməyə başlamazdan əvvəl bu cür kontentlərlə maariflənərək effektivliyinizi artırma imkanından maksimum yararlanmağa çalışın.
Yekun olaraq, əvvəldə də qeyd etdiyimiz kimi, internet resurların mövcudluğu, təhsilin onlayn formasının get-gedə daha da yayılması insanlar üçün şəxsi inkişaf yolunda bir çox hədəfləri daha əlçatan edir. İstər onlayn sınaq imthanı olsun, istərsə də internetin müxtəlif köşələrində oxunmaq üçün istifadəçilərini gözləyən onlayn materiallar olsun, ingilis dilini sürətli, effektiv, ucuz, hətta demək olar ki, pulsuz yolla öyrənmək üçün hazırda mövcüd olan şərait diqqətə layiqdir. Rəqəmsal dünyada formulanız da bəllidir:
Onlayn sınaq imtahanları + inkişaf yolunun bəlirlənməsi + onlayn resurslar = səlis ingilis dili.
2,612 total views
