Ali təhsil müəssisələrinə qəbul olmaq istəyən subbakalavrların ərizə qəbulu avqustun 16-sı saat 23:59-dək davam edəcək.
Dövlət İmtahan Mərkəzinin (DİM) saytına istinadla xəbər verilir ki, bu gün saat 11:45-dək subbakalavrların elektron ərizələrinin ümumi sayı 19890 olub. Təsdiq olunan elektron ərizələrin sayı isə 19134-dür. Subbakalavrlar Dövlət İmtahan Mərkəzinin internet saytının ekabinet.dim.gov.az səhifəsində “Şəxsi kabinet” yaratdıqdan sonra elektron ərizə formasını təsdiq edirlər.
Xatırladaq ki, ali təhsil müəssisələrinə tələbə qəbulu ilə bağlı subbakalavrların ərizə qəbulu iyulun 8-dən etibarən internet vasitəsilə aparılır.
Əgər siz də təhsillə bağlı ən son yeniliklərdən xəbərdar olmaq istəyirsinizsə, Oxuyan platformasında təhsil xəbərləri bölməsini izləməyi unutmayın.
1,647 total views